Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> ڈی این اے پاروں نیویارک پلس ریپ دے مجرم نوں دھر لتا

ڈی این اے پاروں نیویارک پلس ریپ دے مجرم نوں دھر لتا

وچار ڈیسک
February 7th, 2017

30 سالہ کرینا ویٹرانو نیویارک دی تھاں کوئینز وچ واک کردے ہوئے قتل ہوئی سی۔ اوس نال جنسی زیادتی کیتی گئی سی اتے بعد وچ ملزم نے اوس نوں مار چھڈیا سی۔ پلس زنانی دے جسم تے لگن والے ناخناں دا ڈی این اے لیبارٹری دی مدد نال لتا اتے ایس نوں میچ کرن دا آہر کیتا۔ اخیر اک ایمر جنسی سروس 911 نوں کیتی گئی کال پاروں پلس نوں ایس ڈی این اے دا میچ مل گیا اتے انہاں ’’چینل لیوس‘‘نامی بندے نوں دھر لتا۔ پلس دسیا پئی مرن والی دے جسم اتے اوس دے سیل فون تے ملزم دے ڈی این اے دے اک توں وادھو نشان لبھے۔ کرینا اک سپیچ تھراپسٹ سی، پئی جنہاں انساناں نوں بولن وچ اوکڑ ہوندی اوہ انہاں دی بولن وچ اوکڑاں دار کردی سی پر اک بھیڑیے نے اوس دی بولتی ہی بند کر دتی۔ ہویا اینج کہ 911 تے اک فون کال آئی اتے فون کرن والے نے اک بندے نوں مشکوک حرکتاں کردے ویکھیا تے پلساں نوں د سیا۔ پلس اوس بندے نوں پھڑیچیا تے اوس دا ڈی این اے لتا۔ پلس اپنے کمپیوٹر وچ اوس ڈی این اے دے نونے توں ملے رزلٹ نوں پایا تے اوہ کرینا دے جسم تے موجود ڈی این اے نال رل گیا۔ لیوس دے گھروالیاں آکھیا پئی اوہ تے بڑا بیبا بندہ ہے اتے فلاحی کماں وچ رلتی رہنا چاہندا سی۔پر ٹیکنالوجی دی مدد نال اوس دا تقاب اتر گیا۔ہلے پچھلے دناں سندھ اسمبلی نے وی ریپ دے مقدمیاں وچ ڈی این اے نوں لازم کیتا ہے۔ہن جے وڈا ڈیٹا بیس بن جائے تاں مجرماں نوں پھڑیچیا جا سکدا ہے جنج کرینا دا قاتل پھڑیچا گیا ہے۔دوجی اسمبلیاں وی سندھ وانگ ریپ دے کیساں لئی ڈی این اے نوں لازم کرن۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels