Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> جنسی ہراساں پی ٹی وی کیس:عطاالحق قاسمی مک مکا کروا دتا

جنسی ہراساں پی ٹی وی کیس:عطاالحق قاسمی مک مکا کروا دتا

وچار ڈیسک
February 7th, 2017

زنانی اینکراں پی ٹی وی دے افسر تے کیسے کیسے الزام لائے سن ایہہ سب نوں یاد نیں۔ پر لگدا ہے اک صحافی نے دوجے صحافی دے پتر نوں بچا لتا۔آغا شورش کاشمبری دے پُتر مسعود شورش وی اْنہاں لیڈی اینکراں تے جوابی ’’حملے ‘‘کیتے سن۔ جو کجھ پرائیوٹ میٹنگا وچ آکھیا جاندیا رہیا اوہ وکھرا، پئی پی ٹی وی نے تے ڈائریکٹر کرنٹ افیئر نوں تسلیاں دین لئی کڑیاں نوں ادارہ بدنام کرن دے نوٹس وی گھلے سن۔کنج اک بندے نوں بچاون لئی اداریاں نوں بلدی دے بوتھے لایا جاندا ایس دا پاکستان وچ رواج تگڑا ہے۔ 15 سال توں پی ٹی وی وچ کم کرن والیاں کڑیاں’’ پھٹ‘‘ پیاں تاں ’’مشرق دی تقدیساں‘‘ نوں بچاون والے اگے آگئے۔اندر دی گل نوں جانن لئی اک پنج رکنی کمیٹی وی بنائی گئی سی جس اپنی رپورٹ وی پیش کر دتی سی۔پر مشرق دی تقدیس بچاون والے آندے نیں کمیٹی دی رپورٹ نوں پبلک کرنا دانشمندی نہیں۔ چلو پبلک نوں نہ وکھاؤ پر پارلیمنٹ (قومی اسمبلی تے سینیٹ) نوں تے رپورٹ وکھا دیو۔ چیئرمین پی ٹی وی تے پارلیمان دی بالادستی بارے بڑے کالم لکھدے نیں تاں فیر ایس رپورٹ نوں پارلیمانی فورم تے کیوں نہیں وکھاندے۔ حد تے ایہہ ہے وفاقی وزیر اطلاعات آپوں وی اک زنانی ہے۔ مک مکا اینج ہویا پئی آغا ہوراں نوں الزام توں ’’بری‘‘ کر دتا گیا اتے کڑیاں دے کنٹریکٹ بحال ہوگئے۔ جے کڑیاں غلط الزام لایا سی تے پھیر ایس بارے گل ہونی چاہیدی سی اتے جے الزام ٹھیک سی تاں پھیر ملزم خلاف کاروائی ہونی چاہیدی سی۔ پر ’’نقدیس‘‘ بچاون لئی اصولاں تے سودے بازی پرانا وطیرہ ہے۔ جنسی طور تے ہراساں کرن والے قنون بناون دا کیہ فیدہ ہے جے اخیر مک مکا ہی کرنا ہے۔ خبر وچ تے ایہہ وی لکھیا ہے پئی دسمبر دے مہینے توں آغا ہوری جبری چھٹی تے سن۔ پی پی پی تے تحریک انصاف ہی نہیں مسلم لیگ (ن) دی پارلیمانی زنانی ممبراں نے ایس مقدمے بارے کھپ وی پائی سی۔ پر لگدا ہے مہان دانشور مک مکا تے ڈنگ ٹپاؤ پالیسی دے ماسٹر نیں۔ اجہی ڈنگ ٹپاؤ پالیسیاں نیں پاکستان نوں ایہہ دن وکھائے نیں پر اج وی اجہی پالیسیاں دے راکھے وڈے وڈے محکمیاں وچ بیٹھے نیں تے دوجے پاسے نویں بیانیے دی گل وی ایسے گھروں آندی ہے۔
ایکسپریس ٹربیون دی خبر وچ دسیا گیا ہے پئی ایہہ مک مکا اوس میٹنگ وچ ہویا جس وچ لیڈی اینکراں وفاقی اطلاعواں دی وزیرمریم اورنگ زیب تے پی ٹی وی چیرپرسن عطاالحق قاسمی نال ملاقات کیتی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels