Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> ’’توں ایہو جیہی ایں؟جا، تے اپنی جنس بدلوا‘‘

’’توں ایہو جیہی ایں؟جا، تے اپنی جنس بدلوا‘‘

علمی ہمدانی (بی بی سی)
November 8th, 2014

ایران اوہناں ملکاں وچ اک اے جتھے ہم جنس پرستاں نوں موت دی سزا دتی جا سکدی اے۔

علما حضرات ایہہ گل ضروری قبولدے ہین کہ اک شخص غلط جنس نال پیدا ہو کے ایہدے وچ پھس جاندا اے۔
ہم جنس پرستاں نوں اکثر جنس دی تبدیلی دی سرجری لئی مجبور کیتا جاندا اے۔ جیہدے توں بچن لئی ایہناں وچ کئی لوک ملکوں بھج جاندے نیں۔
ایران وچ رہندے ہوئے ڈونیا اپنے والاں نوں چھوٹے رکھدی سی یا ٹنڈ وی کرا لیندی سی۔ اوہ سر تے سکارف لین دی تھاں ٹوپی پاندی سی تے ماہواری رکوان لئی ڈاکٹراں کول وی جاندی۔
اوہ کہندی سی : میں اینی چھوٹی سی کہ مینوں خدا دے بارے کجھ وی پتا نہیں سی۔ میں سوچیا جیکر میں اپنی ماہواری رکوا دیاں گی تے میں وی مرد بن سکنی آں۔‘‘
جے پُلس والے کدی ڈونیا کولوں شناختی کارڈ منگدے تے اوہناں نوں پتا چلدا کہ اوہ خاتون اے تے اوہنوں ذلیل کردے تے کہندے توں ایہو جیہی کیوں اے جا اپنی جنس تبدیل کروا۔
ایہہ ڈونیا دی آس سی اوہنے کہیا کہ میرے تے اینا بھار پایا جاندا سی کہ میں چھیتی توں چھیتی اپنی جنس بدلنا چاہندی سی۔
ڈونیا ست سال تک ہارمونل علاج کرواندی رہی۔ ایہدی آواز بھاری ہو گئی تے اوہدے مونہہ تے وال اُگنا وی شروع ہو گئے۔
اوہناں آکھیا: ’میرے کول انٹرنیٹ تک پہنچی وی نہیں سی، ایتھے کئی ویب سائیٹاں بلاک کیتیاں گئیاں نیں۔ فیر میں سویڈن تے ناورے وچ رہن والے کجھ دوستاں دی مدد لئی تے کھوج شروع کر دتی۔ میں اپنے آپ نوں سمجھن لگی، میں من لیا کہ میں لیزبئین آں تے میں خوش سی۔
پر ایران وچ اپنے آپ نوں ہم جنس پرست کہلوانا ناممکن اے۔ ڈونیا، جیہڑی ہُن 33 ورھیاں دی اے اپنے پُتردے نال کینیڈا فرار ہو گئی اے جیہڑا ایہناں دی اک چھوٹے چر دی شادی دے بعد پیدا ہویا سی۔ دوواں نوں کینیڈا وچ پناہ مل گئی اے۔
ہم جنس مرداں یاں سوانیاں نوں اپنی جنس تبدیل کراون تے مجبور کرنا سرکار دی پالیسی نہیں، پر ایہناں لوکاں تے چوکھا بھار ہوندا اے۔
80 دی دہائی وچ اسلامی جمہوریہ ایران دے بانی آیت اللہ خمینی نے لوکاں نو اپنی جنس بدلوان دی اجازت دیون دا فتویٰ جاری کیتا سی۔پر اوہ اک بندے نوں ملن بعد متاثر ہوئے سن جیہدا کہنا سی کہ اوہ اصل وچ عورت اے جیہڑی مردی دے جسم وچ پھسی ہوئی اے۔
شبنم (جیہدا ناں بدل گیا اے) ایران دے اک سرکاری کلینک وچ نفسیات دی ماہر اے۔ اوہناں دا کہنا اے کہ کجھ ہم جنس پرستاں لوکاں نوں جنس بدلن دی سرجری ول دھکیا جا رہیا اے۔
شبنم دا کہنا اے کہ ڈاکٹر نوں ’شناخت تے جنسیت‘ دا فرق نہیں پتا، ایس لئی اوہ مریضاں نوں جنس بدلاون دا کہندے نہیں۔
حکومت دی پالیسی دے حامیاں دا کہنا اے کہ مخنث ایرانیاں نوں اپنی زندگی نوں پوری طرحاں جیون وچ مدد دتی جا رہی اے تے اوہناں نوں دوجے ملکاں وچ بہتی آزادی ملدی اے۔
پر شبہ ایہہ اے کہ ایہناں لوکاں نوں وی جنس دی تبدیلی دی سرجری ول موڑیا جا رہیا اے جیہڑے مخنث نہیں سگوں ہم جنس پرست ہین۔
شبم دا آکھنا اے کہ میرا خیال وچ ایتھے انسانی حقاں دے خلاف ورزی کیتی جا رہی اے۔ مینوں ایس گل دا بہتا افسوس ہوندا اے کہ جیہڑیاں تنظیماں جیہناں نوں انسانی حقاں دی حمایت کرنی چاہیدی اوہ وی حکومت دی حمایت کر رہیاں نیں۔
نفسیاتی ماہر نے 21 ورھیاں دے سہیل نوں جنس تبدیل کراون دی سرجری کراون دی تجویز دتی۔ فیر اوہناں دے گھر والیاں نے ایہنوں سرجری تے مجبور کیتا۔
اوہناں دسیا میرا پیو مینوں دوجے رشتے داراں نال تہران وچ ملن آیا۔ میرے بارے اوہناں اک میٹنگ کیتی، فیر اوہناں نے مینوں کہیا کہ یا تے توں جنس بدلوا یا فیر اسیں تینوں قتل کر دواں گے تے ایس خاندان وچ نہیں رہن دیواں گے۔‘
سہیل دے اہل خانہ نے ایہناں ساحلی شہر بندر عباس وچ اپنے گھر وچ قید کیتا سی۔ اپریشن ہوون دے اک دن پہلاں سہیل کجھ دوستاں دی مدد لئی اپنے گھروں بھج گیا۔ اوہناں نے سہیل نوں اک جہاز دا ٹکٹ لے کے دتا تے اوہ ترکی آ گئے۔
اوہناں آکھیا جے میں پُلس نوں دسدا کہ میں ہم جنس پرست ہاں تے میری زندگی نوں ایس توں وی ودھ خطرہ ہونا سی جیہناں میں اپنے گھر دس کے ہویا سی۔
ایران وچ جنس بدلن دی کنی سرجریاں ہوندیاں نیں ایس دی کوئی قابل اعتماد معلومات ہیں ہین۔
اک رپورٹ مطابے 2006ء وچ 170 سرجریاں کیتیاں گئیاں سن جیہڑیاں 2010 وچ 370 ہو گئیاں۔ پر اک ایرانی ہسپتال دے اک ڈاکٹر نے دسیا کہ صرف اوہ ہر سال گھٹ ودھ 200 آپریشن کردے نیں۔
ڈونیا تے سہیل وانگ کئی لوک ایران توں فرار ہو گئے نیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels