Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> برقع یا بِکنی: مغرب وچ مسلم کُڑی دی پریشانی

برقع یا بِکنی: مغرب وچ مسلم کُڑی دی پریشانی

مہ پارہ صفدر، بی بی سی لندن
September 23rd, 2014
5 / 5 (1 Votes)

کامیڈی سٹیج شو ’برق آف‘ کہانی اے مغربی ملکاں وچ پلن والیے نیویارک دے اک آرٹ سکول توں فارح ہوون والی نادیہ منظور دی، جیہدا تعلق پاکستان نال اے۔
شو دی کہنانی کار، فنکار تے پیش کار نادیہ ایس شو وچ اپنی پنج ورھیاں دی عمر توں لے کے ویہہ ورھیاں تک دی دو ثقافتی دنیاواں تے اپنے گھر وچ کھلرے تضاداں دی کہانی سناندی اے۔
گھر تے سکول توں لے کے یونیورسٹی تیک دی حیاتی دے وکھو وکھ مرحلیاں وچ جیہڑے مختلف کرداراں دی زندگی وچ آون والے کردار نادیہ نے آپ ای ادا کیتے نیں۔
نادیہ کہندی اے کہ ایہناں دے گھر دا ماحول تضاداں دا شکار سی۔ مثلاً نادیہ لئی باپ دیاں ہدایتاں سن کہ اوہ گھروں باہر کسے منڈے نال گل نہ کرے۔
ایس توں اڈ نادیہ دی ماں اپنی دھی دے ایہناں ڈونگھے سوالاں توں مطمئن نہیں کرسکدی سی کہ جیہڑا کم جے اک کڑی لئی غلط اے تے اوہ اوہدے بھرا لئی کیویں غلط نہیں تے ایہہ کہ ایس قسم دے اصول مذہب دے ناں تے صرف کُڑیاں اُتے ہی کیوں تھوپے جاندے نیں۔
نادیہ دے بقول کہ میں جھوٹھ بولنا نہیں چاہندی سی پر اپنے بوائے فرینڈ دے نال ویلا لنگھاون لئی مینوں اپنے پیو نال جھوٹھ بولنا پیا۔
نادیہ ایس معاشرے وچ رچن لئی اوہ سبھ کجھ کر دی اے جیہڑی مقامی ثقافت وچ تے کوئی معیوب نہیں پر اوہ اسلامی نکتہ نظر نال گناہ دا شکار ہوندی اے۔
اوہ یونیورسٹی وچ اپنے آئرش دوست نال جنسی تعلق قائم کر لیندی اے تے اپنی ماں دے مرن توں بعد ایس خوف نال کہ ایہدے پیو تے بھرا ایہنوں عزت دے ناں تے قتل نہ کر دیون، گھر توں فرار ہو جاندی اے۔
شو ویکھدے ہوئے محسوس ہوندا اے کہ نادیہ ہر ایس گل نوں چھڈ رہی سی جیہڑی یا تے اوہ اپنے وچ وی کسے مرحلے تے اپنی دھی نوں کہے گی یا دوجیاں نوں کولوں سنیاں سن۔
ایہہ کہنا غلط نہیں ہووے گا کہ ایسرا ں دے سٹیج شو اک ایہو جیہی مسلم کڑی دی آب بیتی اے جیہڑی دو ثقافتاں وچ اپنے ماحول دیاں منافقتاں دا شکار ہوئی۔ تے جیہنے اپنے خاندان دی ایہناں روایتاں دے خلاف بغاوت دا فیصلہ کیتا جیہڑے مذہب دے ناں تے ایہدے تے تھوپیاں جا رہیاں سن۔
پر ایہہ بہت سارے گھراں تے خانداناں دی کہانی وی اے جیہڑی اک بہتر زندگی روزگار تے اپنے بچیاں لئی چنگی تعلیم دی غرض نال برطانیہ آئے تے فیر ایتھوں دے ہو کے رہ گئے۔
ایہہ لوگ اپنی قدراں نوں اینا مضبوطنی نال گلے لگاندے رہے کہ اکثر خاندان پلن والیاں آئندہ نسلاں توں ہتھ دھو بیٹھے۔
شو دا فوکس سیکس رہیا کہ مسلم گھرانیاں وچ کُڑیاں نوں صرف ویاہ لئی اک جنسی شے دے طور تے تیار کیتا جاندا اے یا ایہہ کہ مسلم گھرانیاں وچ بچیاں نال یا ایہناں دے سامنے سیکس یا جنسی تعلقات تے گل کرنا بھیڑا سمجھیا جاندا اے۔ ایہناں نوں ویاہ توں پہلے جنسی تعلق قائم کرن توں باز رکھیا جاندا اے۔ بچے لُک لُک کے اپنی جنسی تسکین پوری کردے نیں تے بقول نادیہ دے ایس جنسی گھٹن دے باعث نویں نسل باغی ہو رہی اے۔
نادیہ نے مختلف کرداراں دی مدد نال اپنے ایہناں تجربیاں دا ذکر کیتا اے۔
ایسے شو راہیں اپنے معاشرتی تضاداں نوں ساہمنے لیانا تے ایہناں تے ہسنا ٹھیک تے دھرم دا نال تے منافقتاں نوں ساہمنے لیانا ضروری اے۔
ایس قسم دی تخلیقی کامیڈی شوز تے ثقافتی راہیں ورت کے مغربی دنیا وچ نویں نسل لئی دو وکھریاں ثقافتاں وچ اک پل بنایا جا سکدا اے تے جے ایس معیار تے پرکھیا جائے تے ایہہ شور پورا اُتردا نظر نہیں آیا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels