Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> ہندو کُڑیاں مسلم مُنڈیاں توں دور رہن

ہندو کُڑیاں مسلم مُنڈیاں توں دور رہن

وچار ڈیسک
September 11th, 2014

بھارت وچ بھارتیہ جنتا پارٹی دی حکومت بنن توں بعد پارٹی دے بعض عہدیداراں خاص کر اُتر پردیش نال تعلق رکھن والے پارلیمنٹ مسلسل ایہہ الزام لگا رہے نیں کہ مسلمان مرد ہندو عورتاں نوں مذہب تبدیل کروا کے ایہناں نال ویاہ کر رہے نیں۔
بی جے پی دے سینئر عہدیدار نے ایس بارے کجھ نہیں کہیا پر پارٹی دے کجھ ممبراں مسلسل ’لَو جہاد‘ دی گل کر رہے نیں۔
بھارتی اخبار وچ چھپن والی حالیہ رپورٹاں موجب جوں جوں اُتر پردیش، بہار تے جھار کھنڈ وچ ضمنی چوناں دی تاریخ نیڑے آندی جا رہی اے بی جے پی دے مقامی آگو ’لَو جہاد‘ دی گل زور شور نال کر رہے نیں۔
بی جے پی دے آگو ووٹراں نوں کہہ رہے نیں کہ انڈیا وچ مسلماناں دی آبادی وچ وادھے لئی ملک دے اسلامی مدرسیاں وچ ایہہ سازش تیار کیتی گئی اے کہ مسلمان مرد ہندو عورتاں نوں محبت دا جھانسہ دے کے ایہناں نوں مذہب تبدیلی تے راضی کرن۔
بی جے پی دے جیہڑا آگو ’لو جہاد‘ دی گل کر رہے نیں ایہناں وچ اتر پردیش ممبر پارلیمنٹ گورکھ پور، یوگی ادتیناتھ تے بی جے پی دے ریاستی چیف لکشمی کانت باجپائی، لکھنؤ دے میئر دنیش شرما اگے اگے نیں۔
اک سیاسی اکٹھ نال گل کردے ہوئے یوگی ادیناتھ نے کہا کہ ’لو جہاد‘ اک سماجی بیماری اے۔ اوہناں آکھیا کہ ریاتی حکومت نے مدرسیاں نوں مالی امداد دتی اے جتھے ہندو سوانیاں نوں مسلمان بناون دے منصوبے بنائے جا رہے نیں۔
دنیش شرما نے اکٹھ نال خطاب کردے ہوئے کہیا کہ مغل بادشاہ اکبر دی ہندو شہزادی جودھا بائی نال ویاہ دی مثال دیندے ہوئے کہیا کہ ہُن کوئی جودھا بائی اکبر کول نہ جاوے گی۔
بی جے پی دے اک ہور آتو ہر شکشی مہاراج نے الزام لگایا اے کہ ایسے مسلمان مرداں نوں مالی مدد دتی جا رہی اے جیہڑے ہندو کُڑیاں نوں مذہب تبدیل کرن تے راضی کر لیندے نیں۔
روزنامہ ہندو نے ہندو تنظیم شیو سینا دے ترجمان اخبار سمنا وچ چھپن والیاک اداریے دے حوالے نال لکھیا اے کہ اداریے وچ آر ایس ایس دے لیڈر موہن بھگت دا حوالہ دیندے ہوئے کہ ہندو کُڑیاں نوں مسلمان مرداں توں ہوشیار رہنا چاہید ااے۔
شیو سینا نے بدھ والے دن کہیا کہ ہندو کُڑیاں نوں مذہب تبدیل کراون دی اک عالمی سازش کیتی جا رہی اے تاں جے ہندو ثقافت نوں تباہ کیتا جا سکے۔
شیو سینا نے کہیا کہ مسلمان دہشت گرد تنظیماں، لشکر طیبہ، سیمی تے القاعدہ ہندوستان دے تشخص نوں اسلامی بنان لئی ایہدے خلاف جہاد دا اعلان کر رکھیا اے۔تے ہُن ’لو جہاد‘ وی اوہناں کوششاں دی اک کڑی اے۔
پچھلے ورھے اُتر پردیش وچ وڈے پیمانے تے مذہبی فساداں وچ مذہبی جذبات بھڑکاون دے الزام دا ساہمنا کرن والے قانون ساز سنگیت سوم نے ہُن ’لو جہاد‘ تے اک مہا پنچایت بلاون دا اعلان کیتا اے۔
سنگیت سوم موجب دہشت گرد تنظیماں منظم انداز وچ ’لو جہاد‘ دی تربیت دے رہیاں نیں۔
مدھیہ پردیش دے بے جے پی دے ایم ایل اے نے کہیا کہ مسلمان مرداں نوں ہندو تہواراں وچ نہ جاون دتا جائے۔ اوہناں نے کہیا کہ جے مسلمان مرد ہندو تہواراں وچ آون وچ دلچسپی رکھن تے اوہنوں نوں پہلے ہندو دھرم قبولنا پوے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels