Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> گنگا دیوی نوں گھٹ داج تے 3 سال قید

گنگا دیوی نوں گھٹ داج تے 3 سال قید

وچار ڈیسک
September 10th, 2014

بھارتی ریاست بہار وچ پُلس نے تن ورھیاں توں سوہریاں ولوں دتی قید بھگتن والی اک سوانی نوں چھڑا لیا۔
ویروے موجب بہار وچ گنگا دیوی ناں دی اک سوانی نوں ایہدے سوہریاں نے داج نہ لیاون کارن تن سال تک قید رکھیا تے ایس دوران ایہنوں مار کُٹ دا نشانہ وی بنایا گیا۔
گنگا دیوی نوں بچاون والے پُلس افسر نے بی بی سی نوں دسیا کہ جد اوہ ایہناں نوں ملی تے اوہدے کپڑے پاٹے ہوئے سن تے بہت ڈری ہوئی سی۔
گنگا دیوی نے اپنی تن ورھیاں دی دھی نوں وی ملن دی اجازت نہیں سی۔
داج نال جڑے جرم بھارت وچ اک وڈا مسئلہ اے جتھے ہر سال 8000 توں ودھ سوانیاں ایس سماجی برائی دی وجہ توں قتل کر دتیاں جاندیاں نیں۔
داج دینا یا قبول کرنا جنوبی ایشیاء دی صدیاں پرانی روایت اے جتھے ووہٹی دے ماپے لاڑھے دے پریوار نوں نقد رقم، کپڑے تے زیورات تحفے وچ دیندے نیں۔
داج دی روایت نوں 1961ء وچ بھارت وچ غیر قانونی قرار دے دتا گیا سی پر ایہدے باوجود ایہہ ہُن بھارتی معاشرے وچ عام اے۔
سماجی مسئلیاں تے کم کرن والیاں تنظیماں دے کارکناں دا کہنااے کہ داج دی وجہ نال تھلڑے طبقییاں دیاں سوانیاں نوں مار کُٹ تے ایتھوں تک کہ جان وی گوانی پیندی اے۔
پُلس دا کہنا ا ے کہ گنگا دیوی نوں بہار دی مشرقی ریاست ضلع دربھنگہ وچ رکھیا ہویا سی۔
گنگا دیوی نوں اوہدے پیو شیام سندر سنگھ دی شکایت تے بچایا گیا۔گنگا نوں پچھلے تن ورھیاں توں اپنی دھی نوں نہیں ملن دتا گیا۔ گھر دے اک انھیرے تے گندے باتھ روم وچ قید رکھیا گیا تے کھاون پیون لئی وی بہت گھٹ دتا جاندا سی۔
ریسکیو آپرشن کرن والی پُلس افسر سیما کماری نے ایس گل دی تصدیق نہیں کیتی کہ گنگا دیوی نوں باتھ روم وچ قید رکھا گیا ۔
پریس ٹرسٹ آف انڈیا نے سیما کماری نوں کہندے ہوئے سنیا، جسراں ای ایہنوں باہر کڈھیا تے اوہنے اپنی دھی نوں ملن دا کہیا، تے جد بچی نوں ایہنوں نہ پچھانیا تے اوہ ڈھاہیں مار کے رو پئی۔
رپورٹ موجب گنگا دیوی دے خاوند تے ایہناں دے سسرال والیاں دے خلاف پُلس نے شکایت درج کر لی اے۔ ایہنوں ناں جیل وچ رکھیا گیا پر کجھ دیر بعد ضمانت تے چھڈ دتا گیا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels