Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> ہندوستان وچ مردشاہی دی وار۔۔۔6

ہندوستان وچ مردشاہی دی وار۔۔۔6

Jaspal Singh
August 3rd, 2014

پنشچلی عورت:
مردشاہی لئی ایہہ بہت ضروری سی کہ اولاد دا ناں باپ دے نام توں چلے اتے نسل باپ توں جاری رہے اتے جائداد مرد دے خون دے رشتے نال اگے ودھے۔ اس لئی عورت دے جسم تے کنٹرول بہت ضروری سی اتے اس دی کام واشنا اتے کام شکتی تے مرداں دا کنٹرول بہت ضروری سی۔کنک ماں دا پتہ تاں ہریک نوں آسانی نال لگ سکدا ہے پر اولاد دے باپ دا پکا پتہ کرنا ناممکن ہے اس لئی عورت دے جسم دے نال اسدے دماغ تے وی بہت پابندیاں لا دتیاں گئیاں۔

عورت دے کنوارے پن اتے پوترتا نوں عورت لئی ساریاں نالوں زیادہ اہم گن دسیا گیا۔ویاہ توں پہلاں کنوارہ پن اتے بعد وچ پتی ورتا نوں رب حاصل کرن دا درجہ دتا گیا۔ کنورارے پن اتے پتی ورتا دھرم دا النگھن کرن والیاں عورتاں لئی بہت وڈی سزاواں دا بندوبست کیتا گیا۔موت دی سزا وی اس النگھن لئی کافی نہیں سمجھی جاندی سی۔

گرنتھاں، کتاباں، سمریتیاں،رسماں رواجاں وچ کنوارے پن اتے پتی ورتا دھرم دا النگھن کرن والی عورتاں لئی اس جنم دے نال ہی اگلے جنم وچ وی اگ وچ سڑن دا ودھان دسیا گیا۔

ایہہ وی کیہا گیا کہ استری سبھاء اوہناں نوں اپنا استری دھرم پالن کرن وچ وگھن پاؤندا ہے اس لئی اوہناں تے شکنجہ کسنا بہت ضروری ہے۔عورتاں دے سبھاء اتے دھرم وچ دوند اتے بھیڑ ہے۔ عورتاں سبھاء توں ہی چنچل ہن اتے ہورناں مرداں ول کھچ جاندیاں ہن اتے اپنے دھرم دی پالنا نہیں کر سکدیاں ایس لئی اوہناں دے جسم اتے دماغ تے پابندی بہت ضروری ہے۔

ایس لئی جیہڑی عورت اک مرد نال وفادار جاں پکے طرحاں نہیں رہندی سی اسنوں پنشچیل کہہ کے اس لئی بہت سزاواں دسیاں گئیاں۔

منوسمریتی وچ کیہا گیا ہے:

جے کوئی عورت اپنے خاوند نال دھوکھا کردی ہے(دوسرے مرد نال سنبھوگ کردی ہے) تاں راجے نوں حکم ہے کہ اس عورت نوں سر عامکتیاں توں پھڑوا دیوے۔


ویورت پران وچ کیہا گیا ہے:
اے راجا عام انسان دے پرانے جنم دے کرم اک سمیں تے کٹے جاندے ہن پر پنشچیل عورت اہت عورت جو اک مرد توں زیادہ مرداں نال جاندی ہے-اس دے کرم نہیں کٹے جاندے۔ اوہ اوہناں چر کشٹ بھوگدی ہے جناں چر سرج اتے چند آسمان وچ قائم ہن۔

اس دھرتی وچ پنشچلی عورت نالوں زیادہ وڈا پاپی کوئی نہیں ہے۔


پنشچلی عورت دوارا بنایا ہوئے بھوجن وچ اسدے سارے پاپ رلے ہندے ہن اس لئی اوہ دیوتیاں اتے انساناں نوں نہیں دینا چاہیدا۔


پنشچلی عورت دوارا بنایا ہویا بھوجن وشٹا جاں مل ہے۔ اس ولوں دتا گیا پانی متر ہے۔ جہڑا وی ایہہ بھوجن کھاندا ہے جاں دیوتیاں اتے پرکھاں نوں چڑھاؤندا ہے نرک وچ لازمی ہی جاندا ہے۔

جہڑا وی ایہہ بھوجن کھاندا ہے اوہ سینکڑے سالاں تیک ہنیرے نرک وچ جلدا ہے اتے اس نوں دن رات کیڑے وڈھدے ہن۔

پنشچلی عورت دوارا بنایا ہویا بھوجن جو وی انسان کھاندا ہے ایہہ بہت ادھم جاں گھٹیا بن جاندا ہے اتے اسدے ست جنماں دے ودھیا کرم نشٹ ہو جاندے ہن۔

سمریتیاں اتے ہورناں گرنتھاں وچ سزا دے ودھان نال ایہو جہی عورتاں دا مکمل بہشکار اتے حقہ پانی بند کرن دا انتظام پکا کیتا گیا سی۔ عورت دے جسم اتے کام شکتی توں مرد شاہی نوں ایہو جیہا خطرہ سمجھیا گیا سی۔

ہندوستان اتے ہورناں ملکاں دے قانوناں وچ اجے وی ویابھیچاری استری لئی وڈی سزا دا ودھان ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels