Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> دِلّی :جنسی زیادتی دے مقدیاں وچ وادھا

دِلّی :جنسی زیادتی دے مقدیاں وچ وادھا

وچار ڈیسک
July 3rd, 2014

بھارت وچ جرماں دا ریکارڈ رکھن والے قومی ادارے دا کہنا اے کہ ملک وچ روز گھٹ ودھ 92 مقدمے جنسی زیادتی دے درج ہو ندے نیں
نیشنل کرائم ریکارٹ بیورو موجب بھارتی راجدھانی دِلّی وچ اک لکھ توں ودھ سوانیاں جنسی زیادتی دے معاملیاں ملک وچوں سبھ توں ودھ نیں۔
بیورو دی گنتری موجب 2013ء و چ دِلّی وچ ریپ دے 1636 مقدمے درج ہوئے جیہڑے ملک وچ درج ہوون والے مقدیاں دا چار اعشاریہ اٹھ پنج فیصد سن۔
ایہہ گنتری ایہناں واقعیاں دی اے جیہناں نوں پُلس نے رپورٹ کیتا اے تے مقدمے درج ہوئے تے بھارت ریپ دے بہت سارے معاملے پُلس تھانیاں تک پہنچدے ای نہیں۔
دِلّی وچ سوانیاں دی کل گنتری 87 لکھ 80 ہزار اے تے ایس حساب نال 2013 وچ ایتھے ریپ دے مقدیاں دی شرح 18.63 فیصد رہی۔
اُچیچی گل ایہہ اے کہ دِلّی وچ پچھلے ورھے ایہناں واقعیاں دے اندراج وچ دس فیصد توں ودھ وادھا ویکھیا گیا اے۔ 2012ء وچ ایتھے ایہہ گنتری صرف اٹھ اعشاریہ دو چھ فیصد ای سی۔
نیشنل کرائمر ریکارڈ بیورو دی گنتری موجب ریپ دے واقعیاں وچ دلی دے بعد دوجے نمبر تے میزورام رہیا جتھے ایہو جے کیساں دی شرح 17.8 فیصد رہی جیہڑے کے پچھلے ورھے دے مقابلے تن فیصد گھٹ اے۔
ضروری گل ایہہ اے کہ ایس پوری ریاست وچ سوانیاں دی آبادی پنج لکھ اے۔
ایس فہرست وچ تیجے نمبر تے سکم دا ناں اے جتھے سوانیاں دی کل آبادی دو لکھ پچانوے ہزا ر اے پر ملک وچ ہوون والے ریپ دے کل مقدمیاں وچوں تقریبا ساڑھے چودھاں فیصد ایتھے درج کیتے گئے۔
جنسی زیادتی دے معاملیاں وچ کئی سال توں خبراں وچ رہن والی ریاست مدھیہ پردیش وچ ایس سال وی سب توں ودھ 4335 کیس درج کیتے گئے پر ایتھے اک لکھ سوانیاں دی حساب نال ایہدی شرح بارھاں فیصد رہی۔
مدھیہ پردیش وچ تقریبا تن کروڑ اٹھونجا لکھ سوانیاں ہین۔
بھارت وچ 2012 وچ جنوبی دِلّی وچ اک کُڑی نال جنسی زیادتی دے بعد موت دے نتیجے وچ ملک بھر وچ احتجاج داسلسلہ شروع ہو گیا سی۔
ایہدے بعد ملک وچ سوانیاں دی راکھی لئی سخت قانون بنائے گئے پر عمومی رائے ایہی اے کہ ایہہ قانون ایہو جیہے واقعیاں نوں روکن لئی کافی نہیں۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels