Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> پاکستان وچ ریپ دے مقدمے:سزاواں زیرو

پاکستان وچ ریپ دے مقدمے:سزاواں زیرو

وچار ڈیسک
June 27th, 2014

پاکستان دی قائمہ کمیٹی برائے انصاف تے قانون نوں وزارت داخلہ نے دسیا اے کہ پچھلے پنج ورھیاں وچ ریپ دے مقدمیاں دی سزاواں دتیاں جاون دی شرح زیرو اے۔
قائمہ کمیٹی دا اجلاس کمیٹی دے چیئرمین محمد کاظم خان دی صدارت ہیٹھ پارلیمنٹ ہاؤس وچ ہویا جیہدے وچ اینٹی ریپ لا (کریمنل لا دا ترمیمی بل) 2014 تے بحث ہوئی۔
کمیٹی نے وزارتِ قانون، وزارت داخلہ تے قانون دے صوبائی وزیر نوں ہدایت کیتی سی کہ اوہ سارے ملک وچ ہوون والے ریپ دے مقدمیاں تے ایہناں وچ دتیاں جاون والیاں سزاواں دا ریکارڈ ایوان وچ پیش کرن۔
سینیٹر صغریٰ امام نے دسیا کہ ملک وچ ریپ کیساں دے کسے وی مجرم نوں سزا نہیں دتی گئی اُکا دُکا گینگ ریپ دے کیساں وچ سزاواں ہوئیاں پر اوہ دہشت گردی دے قانون نال دتیاں گئیاں۔‘‘
اوہناں دا کہنا سی کہ جیہناں قانوناں وچ ترامیماں نوں تجویز کیتا گیا اے ایہناں وچ کریمنل پروسیجر، پاکستان پینل کوڈ تے قانون شہادت شامل نیں۔
وسیلیاں موجب کمیٹی نے فیصلہ کیتا اے کہ اوہ پاکستان بار کونسل، پاکستان ہائی کورٹ بار تے دوجے وکیلاں دیاں تنظیماں نال وی ملاقات کرے گی تے ریپ دے قانون وچ تبدیلی کرن لئی ایہناں دی صلاح لتی جاوے گی۔
سینیٹر راجہ ظفر الحق نے کہیا اے کہ ایس طرح دے مقدمیاں وچ الزام بہت آسان ہوندا اے پر اوہناں نوں ثابت کرنا بہت مشکل۔
کمیٹی نے سرکاری تے پرائیویٹ دفتراں وچ سوانیاں نوں جنسی طور تے ہراساں کرن بارے قانون دے مسودے تے وی غور کیتا۔ پر مسودہ قانون پیپلز پارٹی دے سینیٹر فرحت اللہ بابر نے پیش کیا اے۔
سینیٹر فرحت اللہ بابر نے کہیا کہ تعلیمی اداریاں توں وی ایس سلسلے وچ صلاح مشورے کیتے جانے چاہیدے نیں کیونکہ یونیورسٹی تے کالجاں وچ وی مرد حضرات ولوں سوانیاں نوں جنسی طور تے ہراساں کرن دے واقعات ہوندے نیں۔
اوہناں نے کہیا یونیورسٹیاں وچ اعلیٰ تعلیم حاصل کرن والیاں سوانیاں نوں وی تحفظ دینا ضروری اے تے موجود قانون دا پڑھیاراں تے استاداں تے لاگونہیں ہوندا۔
کمیٹی دے چیئرمین سینیٹر کاظم نے اک نواں قانون بنایا جانا چاہیدا اے تاں جے معاشرے دے سارے شعبیاں تے طبقیاں دی راکھی کیتی جا سکے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels