Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> بھارت وچ کڑیاں پھاہے کیوں چڑھ رہیا نیں

بھارت وچ کڑیاں پھاہے کیوں چڑھ رہیا نیں

June 15th, 2014

بھارتی ریاست اتر پردیش دے شہر مراد آباد توں ٹٹیاں بھجیاں سڑکاں توں تقریبا دو گھنٹے دے لمے پندھ بعد سانوں راضی پور ملکھ پنڈ مل گیا۔
پنڈ وچ وڑھدے ای پُچھے بغیر پنڈ والے ایس گھر دا دسن لگے جتھے اک کُڑی دی لاش دو دیہاڑے پہلاں رُکھ نال جھوٹدی ویکھی گئی سی۔
اوتھے اپڑے تے اک عجیب چپ چپان سی۔ پورا پنڈ جمع ہو گیا پر آوازاں فیر مجھاں چڑیاں دیاں ہی کنیں پے رہیاں سن۔
جتھے اک کُڑی دی لوتھ رُکھ نال لمکی ہوئی ملی اوتھے اینی چپ چان یاں تے صدمے دی وجہ توں ہو سکدی اے یاں فیر کوئی راز دی گل دبی جا رہی ہونی اے
بس کُڑی دے ماں پیو ای سن، جیہڑے گل کرن نوں تیار نظر آئے۔ کُڑی دے پیو نے دسیا : ’میں کجھ نہیں تکیا، نہ ای کجھ سنیا، میں تے ایتھے ہے ای نہیں سی، پتا چلیا کہ دھی نوں کجھ ہو گیا اے تے میں بھیجیا آیا۔
ٹھیک ایہی گل کُڑی دی ماں نے وی دسی۔ پچھے جیہے کُڑی دی نانی مر گء سی تے سارا خاندان تقریبا 12 کلو میٹر دے فاصلے تے واقع اوس پنڈ گیا سی۔ جد ایہہ دُکھانت ہویا تے گھر وچ دھی، تے ایہدی دادی تے چاچا ای سی۔
وار وار پچھن تے وی ماپیاں نے ایہی کہیا کہ ایہناں نوں کسے تے کوئی شک نہیں، خاندان دی کوئی پرانی دشمنی نہیں تے دھی دے نال انج ہوون دی کوئی وجہ سمجھ نہیں آئی۔
پنڈ والے چپ چپان سبھ کجھ سندے رہے۔ کسے توں کجھ پچھیا تے وی ایہی جواب ملیا کہ اوہناں نے کجھ نہیں ویکھیا تے نہ ای کجھ سنیا اے۔
فیر اسیں کجھ لولاں نوں نال لیا تے پنڈ دے مندر کول چلے گئے جتھے اک رُکھ تے کُڑی لوتھ لمکی ملی سی۔
کُڑی دا خاندان تھلویاں ذاتاں وچوں اک یاں دو ذات توں سی۔ پنڈ وچ جٹ تے مسلم کمیونٹی سمیت کئی ہور برادریاں دے لوگ وی رہندے نیں۔
ایس پریوار دا مکان پنڈ دے باقی گرھراں توں وڈا سی۔ گھر دے نونہہ نے دسیا کہ پریوار کول گھٹو گھٹ 35 وِگے زمین اے ڈنگر وی نیں تے ایہندے شوہر سی آر ایف وچ ملازمت کردا اے۔
اک مکان توں تقریباً دس منٹ تک پیدل چلن تے اوہ رُکھ آ گیا ایہہ رُکھ اینا چھوٹا تے کمزور لگا کہ یقین کرنا مشکل سی کُڑی ایتھے ای ملی ہوئے گی۔
پنڈو ں اک بندے نے دسیا کہ دلت سماج دے اک منڈے نال تعلقات سن پر کُڑی دے خاندان والیاں نوں ایہہ گل پسند نہیں سی۔
اک ہور بندے وچ ٹوکدیاں ہویاں کہیا کہ ساریاں نوں شک اے کہ کُڑی دی موت پچھے کڑی دے پریوار دا ہتھ ہو سکدا اے۔
ایہہ الزام بڑا سنگین اے تے ایہدے پکے ہوون دا فی الحال کوئی ثبوت نہیں۔ پُلس وی ایس پکھوں پچھ گچھ کر رہی اے پر ہلے وی اخیری گل سمجھ نہیں آئی۔
پتا چلیا کہ ایس سلسلے وچ اک منڈے نوں پھڑیا گیا اے پنڈ والیاں نے دسیا اے کہ ایہہ اوہی منڈا اے جیہدے کُڑی دی یاری سی۔
غیرت دے ناں تے قتل ہورہے نیں۔ جاندے جاندے فیر پچھیا کہ تے اوہ بولے نہیں ساڈے پنڈ وچ ایہو جیہا پہلا واقعہ اے ایس توں اڈ اسیں کجھ نہیں ویکھیا نہ کجھ سنیا اے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels