Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> میرے نال وی جنسی بدسلوکی ہوئی اے: انوشکاشنکر

میرے نال وی جنسی بدسلوکی ہوئی اے: انوشکاشنکر

وچار ڈیسک
February 18th, 2013
5 / 5 (2 Votes)

جگت پدھر دے مشہور و معروف ستار نواز روی شنکر دی دھی انوشکا شنکر نے کہیا اے کہ بال پُنے وچ کئی ورھے میرے نال جنسی بد سلوکی ہوندی رہی اے۔
وسیلیاں موجب انوشکا شنکر نے کہیا ہے بالے پُنے وچ اک شخص نے ورھیاں تک میرے نال جنسی بد سلوکی کیتی اے۔ ایس شخص تے میرے باپ نوں بہت بھروسا سی پر ایہنے ایس بھروسے وچ تریڑ پا دتی۔
انوشکا نے کہیا کہ ایہناں ' ہتھ لائے گئے، ٹٹولیا وی گیا، تے ایہناں نال زبانی بد سلوکی وی ہوندی رہی اے۔
انوشکا شنکر آپ وی جگت پدھر دی شہرت رکھن والی ستار نواز اے۔ اوہناں نے ایہہ وی دسیا کہ جدوہ وڈی ہو رہی سی تے اوہدے نال چھیڑ چھاڑ ہوندی رہی اے، بھیڑ والے علاقے یاں ہور موقعیاں تے مرداں نے مینوں ہتھ لاون دی کوشش کیتی اے، مینوں پھڑن دی وی کوشش کیتی پر میرے نال گالھاں دا تبادلہ وی ہویا۔ مینوں اوس ویلے پتا نہیں سی کہ ایہناں ساریاں معاملیاں نال کس طرحاں نبڑیا جاندا اے۔
انوشکا شنکر نے سوانیاں دے حقاں لئی جاری اک آن لائن مہم 'ون بلین رائزنگ' تے دستخط کردے ہوئے کہیا کہ سوانیاں نوں اپنے حقاں لئی اواز چُکنی چاہیدی اے۔
پچھلے ورھے سولھاں دسمبر نوں دلی وچ ہوون والے ایک گینگ ریپ دے واقعے بعد ایہہ آن لائن مہم چلائی جا رہی اے۔
لندن وچ رہن والی انوشکا شنکر نے کہیا 'سوانی ہوون دے ناتے میں سوانیاں دی پیڑ سمجھنی آں۔ مینوں رات نوں اکلے باہر جاندے ہوئے ڈر لگدا اے۔ انجان مرداں توں ڈر وی لگدا اے۔ پر بس ہُن بہت ہو گیا۔ میں دلی گینگ ریپ دی متاثر تے اوہناں ساریاں کُڑیاں لئی اواز چکنی چاہنی آں جیہڑیاں میری طرحاں بال پُنے وچ جنسی بدسلوکی دا شکار ہوئیاں نیں۔ انوشکا نے اپنے سارے چاہون والیاں نال ایس مہم وچ رلت کرن دی اپیل کیتی اے۔




Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels