Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> کمبھ: سوانی نانگا سادھواں دی نویں پہچان

کمبھ: سوانی نانگا سادھواں دی نویں پہچان

وچار ڈیسک
January 30th, 2013
0 / 5 (1 Votes)

بھارت وچ مہا کمبھ دا میلہ جاری اے تے پہلی واری ناگا سادھو دے اکھاڑے وچ سوانیاں نوں آزاد تے اک وکھری شناخت دتی گئی اے۔ ایسے وجہ نال بھارت دے شمالی شہر الہٰ آباد وچ گنگا جمنا دے کنارے جونا اکھاڑے دی سوانی سنیاسناں یاں راہبہ دا خیمہ وی نظر آیا۔ کمبھ نوں دنیا دا سبھ توں وڈا مذہبی میلہکہیا جاندا اے۔ ایس تقریب دا کنٹرول کافی حد تک نانگا سادھو دے ذمے ہوندا اے۔ ایہناں دے مذہبی معاملے گُپت رکھے جاندے نیں تے ایہہ ہوندے وی پراسرار نیں۔ مرداں دی اکثریت والے ایس میلے وچ ایس توں پہلاں سوانی سادھو یا سنیاسن مرداںدے اکھاڑے وچ ای شامل ہوندیاں رہیاں نیں۔ہر بارھاں ورھیاں بعد ہوون والا کمبھ دا میلہ گھٹو گھٹ ہزار سال پرانی تواریخ اے جیہدے وچ اجتماعی غسل کیتا جاندا اے۔ مرد سادھو دے اکھاڑے و چ سوانی نوں گھٹیا سمجھیا جاندا اے۔ مرداں دی اگوائی تھلے ایہناں نوں گھٹ تھاں وچ گھٹ سہولتاں تے اہمیت نال رہنا پیندا اے۔
پر ہُن انج نہیں اے۔ کیونکہ ایہناں دا اپنا اکھاڑا اے، اپنا لیڈر اے تے اپنے وسائل نیں۔ راکھی دے نکتے نال سوانیاں دے اکھاڑے کول پُلس دی سخت نگرانی وی اے۔ سوانیاں دے اکھاڑے دی لیڈر دویا گری موجب ''ایہہ ساڈی نویں شناخت اے'' دو ہزار چار وچ باقاعدہ طور تے سادھو بنن توں پہلاں پینتی سالا دویائے انسٹی ٹیوٹ آف پبلک ہیلتھ اینڈ ہائجن نویں دِلی توں میڈیکل ٹکنیشن دی تعلیم مکمل کیتی سی۔ اوہناں دا کہنا اے کہ اسیں کجھ وکھریاں چیزاں کرنا چاہنے آں۔ جونا اکھاڑے وچ مرداں دے دیوتا دتتاتریہ (یعنی تن مونہاں والے دیوتا) نیں۔ اسیں اپنے دیوتا دے طور تے دتتاتریہ دی ماں انسویا نوں اپنی دیوی بنانا چاہنے آں۔ خدا تک رسائی حاصل کرنا اک گل اے، پر جنس دی بنیاد تے تعصب توں دور کرنا دوجی گل اے۔ حال وچ اک ہفتہ پہلے فرانس دی کورینے کوکو لیرے نوں اک گُپت تقریب وچ سادھوی بنایا گیا۔ زعفرانی کپڑیاں وچ نرم ملوک جیہی پیتالی سالا کوکورینے کہندے اے کہ ہُن وی اکھاڑیاں وچ مرداں تے عورتاں دی برابری نہیں اے۔ ساڈے خیمے کتھے لگن گے ایہو جیہے وڈے فیصلیاں لئی اسیں ہُن وی اکھاڑیاں دے مرداں دے فیصلیاں تے آمین کرنے آں۔ لیرے نے ہُن اپنا نام بدل کے سنگم گری رکھ لیا اے۔ سنگم گری پہلی ایسی سادھوی اے جیہناں نے اپنے سارے گرو سوانیاں نوں بنایا اے اک نانگا سادھو نوں پنج گورو چُننے ہوندے نیں۔
جونا سنیاسن اکھاڑہ وچ تِن چوتھائی سوانیاں نیپال توں آئیاں ہوئیاں نیں۔ نیپال وچ اُچی ذات دی بیوہ سوانیاں دی دوجی وار شادی کرن نوں لوکائی نہیں قبولدی، ایسے لئی ایہہ سوانیاں گھر واپس جاون دی بجائے سادھو بن جاندیاں نیں۔ ویسے تے نانگا اکھاڑیاں وچ سوانیاں نوں وکھری نظر نال ای ویکھیا جاندا اے اک وجہ ایہہ وی اے مرد سادھو نوں عام طور تے ننگا رہن دی اجازت اے پر عورت سادھو انج نہیں کر سکدیاں۔ پر جونا اکھاڑے دیاں سوانیاں نوں ایہہ اجازت وی ملی ہوئی اے۔ ستر سالہ پرہلاد گری یاد کردیاں نیں کہ ایہناں نوں صرف اک سوانی سادھو برہما گری دی یاد ہے جو ہمیشہ ننگا رہیا کردی سی تے اپنی راکھی لئی دو دو تلواراں وی رکھدی سی۔ برہم گری دا انتقال ہو چکیا اے تے کسے سوانی سادھو نوں ننگا رہن دی اجازت نہیںہے۔ خاص طور تے کمبھ وچ ڈُبکی لاون والے دن تے بالکل نہیں۔ کمبھ دے شاہی غسل دی شروعات توں اک دن پہلا جونا اکھاڑے دے مرد سادھو نے دویا گری نوں ایہہ کہیا کہ اوہ ایس گل دا خیال رکھے کہ کوئی سوانی سادھوی ننگی حالت وچ نظر نہیں آوے۔ ایہی وجہ اے کہ بہتیاں سوانیاں اک کپڑا لھویٹ لیندیاں نیں۔ سوانیاں نوں اپنے اکھاڑے وچ تھاں دین دے معاملے تے ہری گری کہندے نیںکہ ''ایہہ جمہوریت اے تے عورتاں ایس لئی لمے چر توں منگ کر رہیاں سن' پہلے سوانی سادھوی جتھے رہندی سی اوہنوں مائی واڑا کہندے سن ۔



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels