Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> جے ایہہ اتفاق ہے تے بڑا عجیب ہے

جے ایہہ اتفاق ہے تے بڑا عجیب ہے

March 8th, 2012
4.5 / 5 (3 Votes)

پچھلے دو دہاکیاں وچ شمالی سندھ وچ ہندو کُڑیاں دی مذہب تبدیل کرن دا کہانیاں چُک کے ویکھو تے ساریاں اک جیہیاں ہین۔
اوہو ہزاراں دا مجمع، تکبیر دے نعرے، کلاشنکوفاں تے آٹو میٹک  ہتھیاراں دی فائرنگ، پھر چونڈی دے پیر دے ہتھ وچ ڈنڈا تے مذہب دی تبدیلی ہووونا۔
پھر چونڈی، مٹیاری تے امر کوٹ دیاں درگاہاں  تاریخی پکھ توں مذہب دی تبدیلی دے مرکز رہے ہین اج کل  پھر چونڈی ، امروٹ، لاڑکانہ، جیکب آباد، کراچی تے تھرپارکر وچ سومارو سندھ وچ مذہبی دی تبدیلی دے مرکز دسے جاندے نیں  جتھے ہر مہینے بہت ساریاں ہندو کُڑیاں  نوں جبر نال مذہب تبدیل کروایا جاندا ہے۔
جے تسیں گھوٹکی ضلع سندھ وچ رہندے او، تساں زمین یا پلاٹ توں قبضہ چھڑوانا ، قبضہ کروانا یا کسے ہندو منڈے کُڑی نوں مذہب تبدیل کروانا  ہے تے تسیں پھر چونڈی دے پیراں دے دوارے جاؤ۔ ہن تے کراچی وچ نو گو ایریا ہن پر  پھر چونڈی وچ تے اوس ویلے توں نو گو ایریا ہے جدوں ایہہ لفظ  ورتیا وی نہیں سی جاندا۔ پھر چونڈی عام لوکاں تے پولیس لئی  علاقہ غیر ہے۔
ایس پھر چونڈی دے اک پیر عبدالحق عرف مٹھو میاں پیپلز پارٹی دے ایم این اے  بنندے رہے ہین۔ میاں مٹھو تے اوہناں دے پُتر ہندو کڑیاں دے مذہب بدلی دے آگو رہے ہین۔ رنکل کماری دے اغواہ تے پھیر مذہب بدلی وچ وی اہناں دی سر پرستی شامل سی جیس دی ویڈیو تھاں تھاں لگی ہوئی ہے  (http://bit.ly/xaAO0p) ۔
ایس ویڈیو وچ ویکھو مجمع تے علاقے دے جابر پیراں وچ پھسی رنکل کماری جیس نوں اوس دے حال تے چھڈ کے پولیس افسر نسے جاندے  ویکھے جا سکدے نیں۔
پچھلی پنجی فروری نوں میر پور ماتھیلو دے صوفی محلے دی اک نوجوان ہندو کڑی رنکل کماری اوس ویلے گھر توں غائب ہو گئی جدوں اوس دے گھر والے کتے گئے ہوئے سن۔
مینوں انی سالاں دی رنکل کماری دے مامے ڈاکٹر پون کمار نے فون کرکے دسیا جو ایس حد تائیں گل درست ہے جو اوہ ساری رات گھر نہیں آئی ۔ اسیں سمجھ لیا جو اوس اپنی مرضی نال گھروں نس  کے ویاہ کر لیا ہے  پر اسیں سوچیا جو اوس نوں اوس دے ماپیاں تے ملایا جاوے تاں جو اوس کولوں پچھ سکن۔

دوسرے دن اوہنوں گھوٹکی سیشن کورٹ وچ پیش کیتا گیا جتھے عدالت دے کمرے وچ وکیلاں تے عدالتی عملے دے سامنے رنکل کماری نے کہیا جو  نوید شاہ اوہنوں چکر دے کے تے دھوکے نال میاں مٹھو کول لیایا تے اوہ اپنے ماپیاں کول جانا چاہندی ہے پر جج نے اوس دا بیان ریکارڈ ہی نہیں کیتا۔
دودناں مگروں لوکاں دے مجمعے  نال، جنہاں وچوں بہتے ہتھیار بند سن، رنکل کماری عدالت وچ پیش ہوئی جتھے اوہنوں اوس دے وکیل تے ہور فریادیاں نال ملن نہیں دتّا گیا۔ تاریخ وچ پہلی وار دوفعہ اک  سو چوٹھ دا بیان  سینکڑے بندیاں دی موجودگی ، تے باہر ہتھیار بند جتھیاں تے تکبیر دے نعریاں دی موجودگی وچ لیا گیا۔ رنکل کماری دے وکیل محمد مراد لُنڈ نوں اوہناں دے سنگی وکیلاں  طعنے دتے جو اوہ کافراں دی امداد کر رہے ہین۔
رنکل کمار دے لاڑے دا سلمان تاثیر دے قاتل ممتاز قادری طرحاں استقبال کیتا گیا۔ جج دے کمرے وچ سٹھ ستر وکیلاں اوہنوں مبارک باد دتی ۔ اک وکیل نے جج نوں کہیا "اج تہاڈا امتحان سی جیہڑا تسیں چنگے نمبر لے کے پاس کر گئے" مجمع تے وکیل پی پی دے ایم این اے میاں  مٹھو دی اگوائی وچ کاراں ، جیپاں ، کلاشنکوفاں دے کئی سو تاؤنڈاں تے تکبیر دے نعریاں  نال روانہ ہویا۔ ہُن رنکل کماری فریال شاہ بن چکی سی۔
سندھ توں ونڈ ویلے وی ہندو برادری سندھ چھڈ کے انج نہیں سی گئی جیویں ہُن جا رہی ہے  جیہدی وجہ اوہناں دیاں کڑیاں دا جبری مسلمان کیتا جانا ہے۔
اوہ (ہندو) کہندے ہین جو پاکستانی میڈیا اوہناں دے بیان نہیں چھاپدا۔ اک ان کہی تے بے تصدیقی کہانی ایہہ وی ہے جو پچھلے کجھ سالاں وچ سندھ وچ ہر سال اک سو   نوجوان ہندو کڑیاں جبری مذہب دی بدلی تے ماپیاں نوں ڈرائے جان توں تنگ آکے آپ ہتیا کر لیندیاں نیں ۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels