Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> وکاؤ جنساں دی جنس: زنانی

وکاؤ جنساں دی جنس: زنانی

February 19th, 2012
4.5 / 5 (3 Votes)

اُنج تے دنیا دے ویہار وچ ہر بندہ  وکاؤ جنس ہے پر  زنانی  خاص وکاؤ جنس ہے ۔ اج وی ایس دا بیوپار کھلم کھلا ہو رہیا ہے۔ ایس کاروبار نوں کرن والے ہریانہ دے اوہ ہندو جٹ وی ہین جیہڑے اپنیاں دھیاں نوں جمدیاں مار دیندے ہین تے دوجے صوبیاں وچوں بیویاں خریددے ہین تے کشمیر دے مسلمان وی جیہڑے مسلمان بنگالی زنانیاں نوں اک دن وچ پنج پنج واری بیویاں بنا کے ویچدے ہین۔
بی بی سی اردو ڈاٹ کام دی اک رپورٹ وچ دسیا گیا ہے غیر کشمیری مرداں دا اک وڈھا نیٹ ورک ہے جو بنگلہ دیش وچوں عورتاں خرید کے کشمیر وچ ویچدے ہین۔ اہناں وچوں ناظمینہ وی ہے جیس نوں اوس دے اپنے خاوند نےاک بڈھے بندے دے ہتھ پندرہ ہزار وچ  ویچیا تے جیس نے اوس نوں اگوں  اک دلے دے ہتھ ویچیا جیس نے اوس نوں کشمیر لیا کے پیسے وٹ لئے، اوہ ہُن تیکر چھ واری وک چکی ہے  تے ہُن بڈگام ضلع دے غلام محمد چوہان کول ہے جو اوس نوں اگے ویچن لئی گاہک لبھ رہیا ہے۔
کشمیر دے اک مذہبی آگو میر واعظ شاہ بخاری کہندے ہین جو "اک عورت دا اک ہی مہینے وچ پنج پنج واری نکاح ہوندا ہے۔ اہناں ویاہواں وچ نہ مہر بھجدا ہے تے نہ ہی تن مہینے دی عدت دی شرط پوری کیتی جاندی ہے۔ پر کہیا جاندا ہے جو صرف بڈگام ضلعے وچ ہی کوئی ڈیڑھ ہزار بنگالی زنانیاں ہین جنہاں نوں روز ویچیا خریدیا جاندا ہے۔سنیا تے سی جو کشمیر وچ اسلامی جہاد ہو رہیا ہے پر زنانیاں دی منڈی توں تے لگدا ہے جو وچوں کجھ ہور ہی ہو رہیا ہے۔
کام بخش نوں سمجھ نہیں آوندی جو اج دے زمانے وچ ایہہ کیویں ہو رہیا ہے پر ایہہ ہو رہیا ہے۔ لگدا ہے غریب ملکاں وچ سرمایہ داری دے الار نال زنانیاں دا ویچیا جانا عام ہو گیا ہے۔ ہُن جے ماڑے بندے نوں وی ٹی وی تے سیل فون چاہیدا ہے تے اوہ  اپنی دھی یا بیوی نوں ویچن تُر پیندا ہے۔پہلاں وی زنانیاں ویچیاں جاندیاں سن پر انج دے کھلم کھلا کاروبار دا کدی سنیا نہیں سی۔ پر ایس نویں "ترقی یافتہ" سماج وچ بندہ ہور وی جنس بن گیا ہے تے زنانی وکاؤ جنساں دی جنس!


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels