Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> وہاڑی: اکٹھ وچ نچڻ توں نانہہ کرن تے کھسم نے تیویں دے نک بلھ وڈھ دتے

وہاڑی: اکٹھ وچ نچڻ توں نانہہ کرن تے کھسم نے تیویں دے نک بلھ وڈھ دتے

وچار ڈیسک
October 23rd, 2011

وہاڑی وچ ویاہ دے اکٹھ وچ نچڻ توں نانہہ کرن تے کھسم نے تیویں دی نک تے بلھ وڈھ دتے۔ ملزم دے خلاف مقدمہ درج کر کے لبھڻا شروع کر دتا گیا۔پولیس موجب وہاڑی دے قصبے لڈن وچ محمد عباسی ناں دا بندہ آپڻی تیویں گلشن بی بی نوں مجبور کردا سی جو اوہ ویاہ دے اکٹھاں وچ جا کے نچے پر گلشن بی بی دے نہ نچڻ تے کئی واری دوہاں وچ جھیڑا رہندا سی۔

کجھ دن پہلوں گلشن بی بی ملزم نال لڑ کے پیکے ٹر گئی جیہدے تے ملزم عباس پچھلے دیہاڑے اوہنوں منا کے گھر لے آیا پر گھر آؤندیاں ہی اوہنے تیویں دے نک تے بلھ وڈھ دتے تے موقعے توں نس گیا۔ گلشن بی بی نوں مندی حالت وچ مقامی ہسپتال کھڑیا گیا۔ ملزم عباس تے گلشن بی بی دا اٹھ مہینے پہلوں پسند دا ویاہ ہویا سی۔ تھانہ لڈن پولیس نے متاثرہ زنانی دی ماں دی درخواست تے ملزم عباس دے خلاف مقدمہ درج کر کے اوہنوں لبھڻا شروع کر دتا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels