Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> 42 کلو میٹر دوڑ لا کے زنانی نے کڑی جم لئی

42 کلو میٹر دوڑ لا کے زنانی نے کڑی جم لئی

وچار ڈیسک
October 11th, 2011
5 / 5 (1 Votes)

اک امریکی زنانی نے شکاگو دی میراتھن دوڑ وچ حصہ لیڻ دے مگروں ہسپتال اپڑ کے اک کڑی نوں جنم دتا۔ امبر ملر دا کہڻا ہے جو اوہ خوش نیں '' ایہہ میری حیاتی دا سب توں لما دیہاڑا سی۔''امبر نے حاملہ ہوڻ دے مگروں وی آرام دی بجائے میراتھن ریس وچ دوڑ لاؤڻ نوں ترجیح دتی۔

امریکی شہر شکاگو وچ ہوڻ والی دوڑ وچ حصہ لے کے اوہ ہسپتال اپڑی جتھے اوہنے کڑی جمی۔ امبر نے جدوں دوڑ وچ حصہ لیا اودوں اوہ 39 ہفتیاں دی حاملہ سی۔ اوہناں ہسپتال اپڑ کے 7.7 پونڈ دی کڑی نوں جنم دتا جیہدا ناں جُون رکھیا گیا ہے۔27 سالاں دی امبر نے 8ویں واری میراتھن دوڑ وچ حصہ لیا ہے۔ ایہہ اوہدے گھر جمڻ والا دوجا بال ہے۔

اپڻے ڈاکٹر دی صلاح موجب، اوہناں نے میراتھن ریس وچ ادھا دوڑ کے تے رہندا فاصلہ ٹر کے طے کیتا۔ اوہناں نے کہیا'' ریس پوری ہوڻ توں مگروں مینوں پیڑ ہوڻی شروع ہوئی تے میں سمجھ گئی جو کیہ ہورہیا ہے۔ جدوں ایہہ وار وار ہویا تے پہلوں اسیں سینڈ وچ کھادا تے فیر ہسپتال ول ٹر پئے۔

اوہناں موجب کئی لوک مینوں ویکھ کے خوشی دا وکھالا کررہے سی تے آکھ رہے سی دوڑو حاملہ زنانی۔'

اوہناں نے خبراں دے ادارے اے پی نال گل کردیاں ہوئیاں کہیا '' میرے لئی کوئی ماڑی موٹی گل نہیں سی۔ میں اُنج وی دوڑ وچ حصہ لے ہی رہی سی۔ مینوں دوڑن دا جنون ہے ''۔ کیوں جو اوہناں ادھا راہ ٹر کے طے کیتا ایسے لئی اوہناں نے کوئی 26میل یاں42 کلو میٹر دا ایہہ فاصلہ سوا 6 گھنٹے وچ پورا کیتا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels