Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> افغان زنانیاں دے حق خطرے وچ

افغان زنانیاں دے حق خطرے وچ

وچار ڈیسک
October 4th, 2011

دو بین الاقوامی امدادی ستھاں نے کہیا ہے جو انج دے ویلے جدوں غیر ملکی فوجاں افغانستان توں نکلڻ دی تیاری کررہیاں۔ ملک وچ زنانیاں دے حقاں نوں بہت خطرے نیں۔برطانوی ستھاں اوکسفیم تے ایکشن ایڈ دا وکھرا وکھرا کہڻا ہے پئی 2001 وچ امریکہ دی پردھانگی وچ چھوئی گئی کاروائی دے مگروں افغان زنانیاں دے حقاں وچ بہتری ویکھڻ وچ آئی ہے پر ایہہ صورت حال مستحکم نہیں۔

1990 دے دھاکے وچ طالبان دے اقتدار وچ زنانیاں دے نوکری کرن، پڑھن تے مرد نوں نال لئے بناء گھروں باہر نکلڻ تے روک سی۔ اوکسفیم دا کہڻا ہے پئی ایس ویلے کئی بچیاں اسکولاں وچ پڑھ رہیاں نیں جیہڑیاں کہ طالبان دے وارے وچ کجھ ہزار سی۔

پر امدادی ستھ موجب صورت حال وچ ایہہ بہتری بحالی امن دیاں کوششاں وچ بہت چھیتی مک سکدی ہے۔ اوکسفیم دی رپورٹ دی تیاری وچ رلتی لوئیز ہینکاک نے دسیا پئی افغان زنانیاں دے خیال وچ طالبان کھاڑکواں دے نال صلح صفائی دیاں کوششاں وچ رُجھے پربندھیاں توں ایہہ آس نہیں رکھی جاسکدی پئی اوہ اوہناں دے حقاں دا تحفظ کرن گے۔

ایکشن ایڈ نے افغان زنانیاں تے زور دتا پئی اوہ اپڻے ملک وچ 10 سال توں جاری جھیڑے نوں مکاؤڻ دیاں کوششاں وچ رجھے پربندھیاں توں ایہہ آس نہیں نہیں رکھی جاسکدی پئی اوہ اوہناں دے حقاں دا تحفظ کرن گے۔

ایکشن ایڈ نے افغان زنانیاں تے زور دتا ہے جو اوہ اپڻے ملک وچ دس سال توں جاری جھیڑے نوں مکاؤڻ دیاں کوششاں وچ اپڻا کردار ادا کرن۔ ستھ نے 1,000 زنانیاں توں جدوں اوہناں دی وچار پچھی تے وڈی گڻتی نے طالبان دے فیر اقتدار وچ آؤڻ دا ڈر ظاہر کیتا۔ ایہناں زنانیاں وچوں اک تہائی دے خیال وچ بین الاقوامی فوجاں دے نکلڻ توں مگروں افغانستان دی صورت حال ہور خراب ہووے گی۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels