Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> سعودی عرب:سری لنکن نوکراں دی اپیل

سعودی عرب:سری لنکن نوکراں دی اپیل

وچار ڈیسک
October 2nd, 2011
5 / 5 (1 Votes)

سعودی عرب دے دارالحکومت ریاض دے اک بندی خانے وچ موجود سری لنکا دی گھروکی زنانیاں نے مدد دی اپیل کیتی ہے۔ ایہناں زنانیاں وچوں اک نے فون تے بی بی سی نوں دسیا '' مہربانی کر کے تسیں سری لنکا واپس جاڻ وچ ساڈی مدد کرو۔'' میں ایہناں زنانیاں نوں ویکھ تے نہیں سکدا سی پر میں اوہناں دی آواز سڻ سکدا سی جیہڑیاں آپوں وچ لڑ رہیاں سی کسے طرحاں فون تے اوہناں دی گل کروا دتی جاوے۔

اک تامل زنانی تھنگاویلوسروجنی نے دسیا پئی اوہدے آجر نے اوہنوں مارا ماری دا نشانہ بڻایا ہے۔ اوہناں دا کہڻا سی '' میرے ہتھاں، دھوڻ تے لتاں تے پھٹ تے رگڑاں دے نشان نیں۔''سروجنی نے اولایا دے بندی دے کیمپ جتھے جنوب تے جنوب مشرق توں ہجرت کر کے آؤڻ والیاں سیکڑیاں زنانیاں نیں دسیا '' اوہناں مینوں مارا ماری دا نشانہ بڻایا ،چونڈیاں وڈھیاں تے مینوں ساڑیا۔''

ایہناں زنانیاں دا کہڻا ہے پئی اوہناں دا جرم ایہہ ہے جو اوہ اپڻے آجران ولوں اوہناں تے ہوڻ والی جسمانی مارا ماری، جنسی سانگے تے نفسیاتی بدسلوکی توں بچڻ دی کوشش کررہیاں نیں۔ سعودیہ دے قانون موجب ایہہ زنانیاں غیرقانونی ہجرت دی درجہ بندی وچ آؤندیاں نیں۔

سروجنی موجب اوہنوں پچھلے ڈیڈھ سال توں تنخواہ نہیں دتی جارہی سی اوہناں مینوں مارن دی کوشش کیتی اودوں میں سفارت خاے چوں نس گئی۔

سری لنکا توں ہزاراں زنانیاں ہر سال مشرق وسطیٰ آؤندیان نیں جیہناں وچوں کئیاں دا کہڻا ہے پئی اوہناں نال غیر انسانی ورتارا ورتیا جاندا ہے اوہناں نوں مارا ماری دا نشانہ بڻایا جاندا ہے ایتھوں تیکر نہیں اوہناں نوں تنخواہواں وی نہیں دتیاں جاندیاں۔

سعودی عرب وچ اگست سن دو ہزار دس وچ اک انج دی واپری ہوئی سی جیہدے وچ اک انجاہ سالاں دی سری لنکن زنانی ایل پی آریا واتھی دے جثے چوں 24 کلاں نکلیاں سی۔

حراستی کیمپ وچ موجود ایہناں زنانیاں دا کہڻا ہے پئی جدوں اوہ پہلی واری سری لنکا دے سفارت خانے وچ آئیاں تے سری لنکن پربندھیاں نے اوہناں دی مدد کیتی پر اوہ ایس گل تے فکر کررہے نیں جو اوہناں نوں واپس سری لنکا گھلڻ وچ سستی کیوں کیتی جارہی ہے۔ ایس کیمپ وچ رہڻ والیاں زنانیاں توں اڈ سیکڑیاں انج دیاں وی نیں جیہڑیاں سفارت خانے دے ہوٹل وچ رہ رہیاں نیں۔

ایہناں زنانیاں دی حالت ایسے پاروں ہور خراب ہو گئی ہے کیوں جو اپڻے آجراں نوں چھڈڻ توں مگروں اوہناں دی حیثیت غیر قانونی ہوگئی ہے۔ انسانی حقاں دی ستھ ہیومن رائٹس واچ واہوا چراں توں مشرق وسطیٰ وچ کم کرن والے گھروکی نوکراں دی راکھی لئی کوشش کررہی ہے۔ ستھ نے سعودی پربندھیاں نوں اوہناں گھروکی نوکراں نوں مقامی لیبر قانوناں وچ رلاؤڻ دی بینتی کیتی ہے تاں جو اوہناں دی چنگی راکھی کیتی جاسکے۔

ریاض وچ سری لنکن سفارت خانے دے لیبر افسر نے بی بی سی نوں دسیا پئی اولایا دے کیمپ وچ قید ایہناں نوکراں دی فائلز نوں سری لنکا دے فارن ایپملائمنٹ بیورو وچ ٹرانسفر کر دتا گیا ہے۔

پر سری لنکا دے فارن ایپملائمنٹ بیورو دے پردھان کنگیسلی راونکا نے بیورو وچ کیتی جاڻ والی کسے وی فون کال دا جواب نہیں دتا۔لندن وچ سعودی سفارت خانے دے میڈیا آفس ولوں بی بی سی دے کول کوئی ردعمل نہیں آیا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels