Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> سعودی بادشاہ نے ڈرائیونگ کرن والی زنانی دی کوڑیاں دی سزا معاف کر دتی

سعودی بادشاہ نے ڈرائیونگ کرن والی زنانی دی کوڑیاں دی سزا معاف کر دتی

وچار ڈیسک
September 29th, 2011
5 / 5 (2 Votes)

ڈرائیونگ کر کے قانون توڑن والی زنانیاں دی دس کوڑیاں دی سزا سعودی بادشاہ شاہ عبداللہ نے معاف کر دتی ہے۔

سعودی شہزادے الولید بن طلال دی گھر والی شہزادی امیرۃ الطویل نے جدہ وچ اک پریس کانفرنس وچ اس گل دا اعلان کردیاں آکھیا پئی '' رب دا شکر ہے شیما دی کوڑیاں دی سزا معاف ہوئی، اسیں اپڻے محبوب بادشاہ دا شکریہ ادا کرنے آں مینوں یقین ہے سعودی زنانیاں وی ایہدے نال بہت خوش ہوڻ گیاں''۔

عرب دنیا وچ سر چُکن والے جمہوری انقلاب دا اثر سعودی عرب وچ بہتا نہیں نظر آؤندا پر ایتھے ہور شخصی آزادیاں دیاں دبیاں دبیاں آوازاں واہوا چر توں سُنڻ وچ آ رہیاں ہین۔ سعودی شہزادی نے آپڻے خطاب وچ آکھیا " مینوں سعودی زنانی ہوڻ دا ماڻ ہے۔ ساریاں سرگرم سعودی زنانیاں دا شکریہ"۔

شہزادی امیرۃ وی اوہناں سعودی زنانیاں وچ گڻی جاندی ہے جیہڑیاں سعودی عرب وچ زنانیاں دے گڈی چلاؤن تے لگی روک توں راضی نہیں ہین۔ 2009 وچ اک انٹرویو وچ اوہنے آکھیا سی پئی اوہ ایس روک توں تنگ آ گئی ہے۔ شہزادی امیرۃ دا گھر والا شہزادہ الولید شاہ عبداللہ دا بھاڻجا ہے اتے اوہ ملک وچ زنانیاں لئی ہور سماجی آزادیاں لئی اُپرالے کردا رہندا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels