Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> سعودی عرب وچ زنانیاں نوں ووٹ پاؤڻ دا حق مل گیا

سعودی عرب وچ زنانیاں نوں ووٹ پاؤڻ دا حق مل گیا

وچار ڈیسک
September 26th, 2011

سعودی عرب وچ زنانیاں نوں ووٹ پاؤڻ دا حق دے دتا گیا۔ اگلیاں ہوڻ والیاں چوڻاں وچ زنانیاں حصہ لے سکڻ گئیاں۔ غیر ملکی خبراں دی ایجنسی موجب سعودی عرب دی تاریخ وچ پہلی واری زنانیاں نوں چوڻاں وچ حصہ لیڻ تے ووٹ پاؤڻ دا حق دے دتا گیا ہے۔ سعودی بادشاہ شاہ عبداللہ نے شوریٰ کونسل نال خطاب وچ زنانیاں دے ووٹ پاؤڻ تے بلدیاتی چوڻاں وچ حصہ لیڻ دے فیصلے دا اعلان کیتا۔

اوہناں دا کہڻا سی جو اگلے میونسپل الیکشن وچ زنانیاں امیدوار دے طور تے حصہ لے سکڻ گئیاں۔ شاہ عبداللہ نے کہیا ایہہ فیصلہ مولویاں دی صلاح نال کیتا گیا ہے جیہدے مگروں سعودی زنانیاں نوں شوریٰ کونسل وچ وی رکن دی پکھوں رلایا جاوے گا۔ ایہناں چوڻاں دے ہوڻ وچ دو سال دی کویل ہوگئی ہے۔

سعودی عرب وچ پہلی واری میونسپل چوڻاں دو ہزار پنج وچ ہوئیاں سی۔ بلدیاتی چوڻاں دو ہزار نو وچ رکھیاں جاڻیاں سی پر انج نہیں ہوسکیا۔ میونسپل کمیٹیاں دے عہدیاں لئی ادھیاں سیٹاں تے امیدواراں دا چوڻ ووٹاں راہیں ہوندا ہے جدون کہ ادھیاں سیٹاں تے نامزد امیدوار بناء مقابلے دے چوڻ ہو جاندے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels