Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> سارے جگ وچ ہر سال پنج کروڑ کڑیاں دا نکی عمرے ویاہ کر دتا جاندا ہے

سارے جگ وچ ہر سال پنج کروڑ کڑیاں دا نکی عمرے ویاہ کر دتا جاندا ہے

وچار ڈیسک
August 5th, 2011

سارے جگ وچ ہر تن سیکنڈ بعد اٹھاراں سال توں گھٹ عمر دی کڑی دا ویاہ ہوندا ہے تے اک سال وچ اک کروڑ توں بہتیاں گھٹ عمر دیاں کڑیاں دا ویاہ کر دتا جاندا ہے۔ انج دے بہتے ویاہ افریقہ، مشرق وسطی، تے دکھڻی ایشیا وچ ہورہے نیں۔ اقوام متحدہ موجب اٹھاراں سال توں گھٹ عمر دی کڑی دا ویاہ انسانی حقاں دے خلاف ہے۔ سارے جگ وچ پنج کروڑ بالڑیاں نوں ووہٹیاں بڻا دتا جاندا ہے اتے ایہہ گڻتی اگلے دھاکے تیکر دس کروڑ توں ٹپڻ دا امکان ہے۔

زچگی وچ انج دیاں ماواں دے مرن دی دُر بہت زیادہ ہے سارے جگ وچ ستر ہزار ماواں پہلی زچگی ویلے جان توں ہتھ دھو بیہندیاں نیں۔ برطانوی خبراں دے ادارے دی رپورٹ موجب چائلڈ میرج جیہنے سارے جگ دیاں لکھاں بالڑیاں کولوں معصومیت کھو لئی تے اوہناں نوں غریبی، جہالت تے خراب صحت دے نال زندگی لنگھاؤڻ تے مجبور ہونا پیندا ہے۔

نکی عمرے ویاہ ترقی دی راہ وچ وڈی اڑیچ نیں۔ انج دے ویاہواں وچ ایہناں کڑیاں نوں کدی اوہناں دی مرضی نہیں پچھی جاندی۔ کئی واری اوہنوں اک وڈی عمر دے بندے نال ویاہ دتا جاندا ہے۔ برطانوی تھنک ٹینک موجب معاشی تے سماجی ترقی وچ اڑیچ دا وڈا کارن انج دے ویاہ نیں تے اسیں اوہناں دے خلاف آواز چک رہے آں۔ انج دے ویاہ جیہناں وچ بالڑیاں نوں چپیتیاں ویچ دتا جاندا ہے ایہناں وچ زچگی وچ بہت خوف پھٹ تے بماریاں دا ساہمڻا کرنا پیندا ہے۔

بالڑیاں دے حقاں بارے اقوام متحدہ دے کنونشن نے اٹھاراں سال توں گھٹ عمر دے ویاہ نوں انسانی حقاں دی خلاف ورزی متھیا ہے۔ نائجر، چاڈا تے مالی وچ ستر فیصد بالڑیاں دے ویاہ اٹھاراں سال توں پہلوں ہی کر دتے جاندے نیں۔ بنگلہ دیش، گنی، وسطی افریقی جمہوریہ، موزمبیق، برکینا فاسو تے نیپال وچ پنجاہ فیصد توں بہتیاں بالڑیاں دا ویاہ اٹھاراں سال توں گھٹ عمر وچ ہوجاندا ہے۔

ایتھوپیا، ملاوائی، مڈغا سکر، سیرالیون، کیمرون، اریٹیریا، یوگنڈا، بھارت، نکارا گوا، زیمیبیا تے تنزانیہ وچ ایہہ دُر چالی فیصد نالوں بہتی ہے۔ یونیسف موجب انج دے ویاہواں وچ زچگی وچ ماواں دے مرن دی دُر بہت زیادہ ہے۔ سارے جگ وچ ستر ہزار ماواں پہلی زچگی وچ موت دے مونہہ وچ چلیاں جاندیاں نیں ۔ انج دیاں ماواں دے گھر جمڻ والے بال ویلے توں پہلوں یاں گھٹ وزن نال جم دے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels