Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> ہندوستان وچ پہلی '' سلَٹ واک ''

ہندوستان وچ پہلی '' سلَٹ واک ''

وچار ڈیسک
July 31st, 2011

ہندوستانی دارالحکومت نویں دہلی وچ اج اتوار نوں ملک دی پہلی ''سلٹ واک '' دا پربندھ کیتا گیا ہے جیہدا مقصد ملک وچ جنسی جرماں وچ چنتا دی حد تیکر وادھے بارے جانکاری پیدا کرنا ہے۔

ہندوستان وچ پہلی واری '' سلٹ واک '' دا پربندھ کیتا جارہیا ہے جیہدا مقصد لوکاں وچ زنانیاں تے مارا ماری تے جنسی جرماں بارے لوکاں وچ جانکاری پیدا کرنا تے اوہدے خلاف روس وکھالا کرنا دسیا جارہیا ہے۔ امکان ہے جو ایس ریلی وچ سیکڑیاں دی گڻتی وچ بندے رلت کرڻ گے۔

ایس قسم دیاں ریلیاں لہندے ملکاں وچ عام نیں۔ کجھ مہینے پہلوں برطانیہ دے دارالحکومت لندن وچ ایسے قسم دی اک واک دا پربندھ کیتا گیا سی۔

ہندوستان وچ ایس ریلی دا پربندھ صحافت دی انی سالاں دی پڑھیار امنگ سبراول نے کیتا ہے جیہناں دا کہڻا پئی ویلا آگیا ہے ہندوستانی زنانیاں اپڻے حقاں لئی آواز اچی کرن۔ امنگ کہندیاں نیں: '' ہندوستان وچ ایس گل نال فرق نہیں پیندا پئی اسیں کیہ پایا ہویا ہے۔جے زنانیاں نے آپڻے آپ نوں سر توں پیر تیکر وی ڈھکیا ہووے تے وی اوہ جنسی مارا ماری دا شکار ہو جاندیاں نیں تے مگروں اوہناں نے انج کرن دی آپوں دعوت دا الزام لایا جاندا ہے''۔

ہندوستان وچ کیتے گئے اک سروے موجب نویں دہلی وچ پچاسی فیصد زنانیاں نوں جنسی طور تے دھمکایا جاندا ہے۔ ہندوستانی پولیس دے حساب موجب نویں دہلی وچ سن دو ہزار دس وچ چار سو نواسی ریپ کیسز رپورٹ کیتے گئے۔

ہندوستان دے پچھونہے حلقے '' سلٹ واک '' نوں لہندی ثقافت دی یلغار متھ کے اوہنوں نند رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels