Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> اندرا گاندھی لئی مرن توں مگروں بنگلہ دیشی ایوارڈ

اندرا گاندھی لئی مرن توں مگروں بنگلہ دیشی ایوارڈ

وچار ڈیسک
July 26th, 2011

بنگلہ دیشی حکومت نے گذریل ہندوستانی وزیر اعظم اندرا گاندھی لئی ایس ملک نوں انی سو اکہتر وچ پاکستان توں آزادی دواؤڻ وچ اوہناں دے تعاون تے کوششاں دی مانتا وچ بنگلہ دیش دا سب توں وڈا سرکاری ایوارڈ دیڻ دا اعلان کیتا ہے۔

فریڈم آنر یاں اعزازِ آزدی دتے جاڻ لئی اکٹھ وچ رلت لئی اندرا گاندھی دی نونہہ تے ہندوستان وچ حکمران جماعت کانگریس پارٹی دی اجوکی پردھان سونیا گاندھی اُچیچا ڈھاکہ گئیاں۔ ایس اکٹھ نال اپڻے خطاب وچ سونیا گاندھی نے کہیا '' جے اج اندرا گاندھی جیوندیاں ہوندیاں تے پکی گل ہے تہاڈے ولوں دتے گئے ایس اعزاز نوں آپوں لے کے اوہناں نوں بہت خوشی ہوندی ۔''

سونیا گاندھی نے اندرا گاندھی لئی ایہہ اعزاز بنگلہ دیشی صدر ظل الرحمان نال ملکی دارلحکومت ڈھاکہ وچ لیا۔

اندرا گاندھی بنگلہ دیشی دے موڈھی شیخ مجیب الرحمان دے چنگے سنگیاں وچوں اک سی تے سن انی سو اکہتر وچ پاکستان دے خلاف آزادی دی تحریک دے شروع ہوڻ دے مگروں اوہناں دی کانگریس حکومت نے فوجی کاروائی راہیں بنگلہ دیش دی پاکستان توں آزادی وچ وڈا کردار ادا کیتا سی۔

ایس موقعے تے بنگلہ دیشی کابینہ دے سیکرٹری عبدالعزیز نے کہیا '' ایہہ اعزاز اندرا گاندھی دی سدھی ساہویں مدد، تعاون تے کوششاں دی مانتا ہے۔'' اوہناں نے کہیا اندرا گاندھی دی اگوائی وچ ہندوستان وچ کانگریس پارٹی دی حکومت نے سن اکہتر دی جنگ پاروں ہندوستان دا پاسا کرڻ والے دس ملین مہاجراں نوں وی پناہ دتی سی جدوں کہ بنگلہ دیش نوں بین الاقوامی طور تے منواؤڻ وچ وڈا کردار ادا کیتا سی۔

بنگلہ دیش نے اپڻی آزادی دی چالیویں سالگرہ دے موقعے تے سنتالی غیر ملکیاں نوں اپڻی ریاستی آزادی لئی کوششاں دے صلے وچ اعزاز دیڻ دا اعلان کیتا ہے۔ ایس سلسلے وچ اندرا گاندھی اوہ پہلی غیر ملکی ہستی نیں، جیہناں نوں مرن دے مگروں ایہہ اعزاز دتا گیا ہے۔ ڈھاکہ وچ پربندھیاں موجب رہندیاں ہستیاں نوں ایہہ اعزاز سال دے اخیر وچ دتے جاڻ گے۔

بنگلہ دیش دی وزیر اعظم شیخ حسینہ واجد دے بلارے عبدالکلام نے فرانسیسی خبراں دے ادارے اے ایف پی نال گل بات کردیاں ہوئیاں کہیا '' ساڈی آزادی وچ اندرا گاندھی دی عظیم تے غیر ملکی خدمتاں دی مانتا وچ اوہناں نوں بنگلہ دیش دے ایس سب توں وڈے قومی اعزاز دا حقدار سمجھیا گیا ہے۔''


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels