Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> کابل وچ زنانیاں دا جڻیاں دے خلاف روس وکھالا

کابل وچ زنانیاں دا جڻیاں دے خلاف روس وکھالا

وچار ڈیسک
July 15th, 2011

افغان راجدھانی کابل وچ زنانیاں نوں یرکاؤڻ دیاں ودھدیاں ہوئیاں واپریاں دے خلاف لگ بھگ 50 زنانیاں اتے کجھ جڻیاں نے روس وکھالا کیتا۔ روس وکھالے دے پربندھکاں موجب جے زنانیاں نے برقع وی پایا ہووے فیر وی اوہناں نوں چھیڑنا افغان راجدھانی وچ روز دا اک وڈا مسئلہ بڻ گیا ہے۔

لوکاں موجب زبانی بدسلوکی، اوہناں دے لیڑیاں اتے پنڈے بارے بول مارنے اک عام جہی گل ہے جدوں کہ کئی واری اوبھڑ بندے جسمانی بدسلوکی وی کردے ہیڻ اتے راہ جاندیاں زنانیاں نوں چپیڑاں ماریاں جاندیاں اتے اوہناں نال مندے کم کیتے جاندے ہیڻ۔ اک شکایت ایہہ وی کیتی جاندی ہے پئی کاراں وچ سوار جڻے گڈیاں ساہویں لیا کھلہاردے ہیڻ اتے زنانیاں نوں وچ بیٹھڻ لئی آکھدے ہیڻ جیہدا مطلب ہے ہر زنانی نوں کنجری سمجھیا جاندا ہے۔

روس وکھالے دا پربندھ کرن والیاں وچ اک 19 ورھیاں دی پاڑھو کڑی نور جہاں وی رلتی ہے۔ اوہدا آکھڻا ہے پئی اوہنے باراں ورھیاں دی عمرے اک مقامی ریڈیو اسٹیشن تے پارٹ ٹائم نوکری کیتی سی پر اک ٹیکسی ڈرائیور ولوں جنسی دھاڑے کارن اوہنے نوکری چھڈ دتی۔

نورجہاں موجب اوہ لگاتار یرکائے جاڻ مگروں ہُڻ تے اوہ کابل وچ پیدل وی نہیں تُردی۔ نورجہاں دے آکھڻ موجب کابل وچ زنانیاں نوں گھراں وچ آدر ماڻ لئی جتن کرنے پیندے ہیڻ، ملازمت دیاں تھاواں تے آپڻی حیثیت بناؤڻ لئی لڑنا پیندا ہے جدوں کہ ایہناں دوہاں دے وچکار سڑکاں تے بدسلوکی توں بچڻا پیندا ہے۔ نورجہاں دا آکھڻا سی پئی ایہہ ساری صورتحال تھکا ماردی ہے اتے ایہدے نال سماجی کردار دے حوالے نال افغان زنانیاں دا حوصلہ ڈھایا جا رہیا ہے۔

روس وکھالے وچ رلتی دوجیاں زنانیاں موجب سرکاری پدھر تے نہ تاں ایس مسئلے نوں وچاریا جا رہیا ہے اتے نہ ہے ایہدے نال نجٹھڻ لئی کوئی اُپرالا کیتا جا رہیا ہے۔ زنانیاں موجب بہتی واری تاں ایس طرحاں دیاں واپریاں دی شکایت لاؤڻ والیاں زنانیاں نوں ہی قصور وار متھ دتا جاندا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels