Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> دھیاں دے مقابلے وچ پتراں دی سدھر، ویتنام نوں مسئلیاں دا ساہمڻا

دھیاں دے مقابلے وچ پتراں دی سدھر، ویتنام نوں مسئلیاں دا ساہمڻا

وچار ڈیسک
July 12th, 2011

نگوین تھی لان نوں جدوں پہلی واری پتہ لگیا پئی اوہدے گھر دھی جمڻ والی ہے تے اوہنوں بڑا ہرکھ لگیا۔ اودوں اوہدے خاوند دا ورتارا وی اچڻ چیتی بدل گیا سی۔

ویتنام دی ایس زنانی دا کہڻا ہے پئی اودوں اوہدا کھسم سرے توں ہور انسان بڻ گیا سی۔ نگوین دے موجب اوہدا کھسم اوہنوں ماردا سی، ایہہ جاڻ دیاں ہوئیاں وی پئی اوہ حاملہ سی۔ "اوہنے مینوں آکھ دتا سی پئی اوہنوں کوئی انج دی تیویں نہیں چاہیدی جیہڑی صرف دھیاں جم سکدی ہووے۔ اوہنے مینوں ایتھوں تیکر آکھ دتا سی پئی میں یاں تے آپڻا حمل ضائع کروا دیواں یاں اوہدا گھر چھڈ دیواں۔"

سارے جگ وچ اج پیر نوں منائے جاڻ والے عالمی آبادی دے دیہاڑے دے موقعے تے ایہہ تکلیف دیڻ والی صورتحال ویتنام دے حالات دی عکاسی کردی ہے۔ اوتھوں دیاں زنانیاں دے مقابلے وچ دھیاں نوں ترجیح دتی جاندی ہے۔ پر کڑیاں دی تھاں منڈیاں دے جمڻ دی ایہو سدھر اوتھوں دی آبادی وچ جنسی مڈھ تے پاسکو نوں بہت نقصان اپڑا رہی ہے۔

ایہہ صورت حال ویتنام جہے ملکاں وچ سماجی استحکام لئی وی وڈا خطرہ ثابت ہو سکدی ہے۔ ایس لئی اُچیچا ایشیائی وسیباں وچ ایہہ مسئلہ سالاں توں پایا جاندا ہے، اُچیچا چین تے ہندوستان وچ وی۔ ایہو دوویں ملک سارے جگ وچ آبادی دے حساب نال دو سب توں وڈے ملک وی نیں۔

ویتنام وچ پہلوں عام شہری ایسے پاروں کوئی فرق محسوس نہیں کردے سی پئی اوہناں دے گھر منڈا ہویا یاں کڑی۔ پر کجھ سالاں توں اوتھے بہتے مرداں دی وچار بہت بدل گئی ہے۔ ہنوئے دے اک کنڈر گارڈن دی استانی نگوین تھی کوین کہندیاں نیں پئی اوہناں نے پچھلے پنج سال وچ وڈیاں ڈرامائی بدلیاں دا مشاہدہ کیتا ہے۔

ہنوئے دی رہڻ والی والی ایس استانی دا کہڻا ہے ' ایس سال میری کلاس وچ 30 توں بہتے بال نیں۔ اوہناں وچوں 20 منڈے نیں تے باراں کڑیاں۔ ایہناں منڈیاں وچوں کئیاں نوں، جدوں اوہ وڈے ہو جاڻ گے، آپڻے لئی کوئی بیوی ملے گی ہی نہیں'۔

ویتنام وچ خاندان منصوبہ بندی تے آبادی بارے متعلقہ محکمے دے ڈائریکٹر جنرل ڈوآنگ کوک ترونگ دا کہڻا ہے پئی ایس ملک دی آبادی وچ مرداں تے زنانیاں دے تناسب وچ فرق پریشانی دی حد تیکر بہتا ہو چکیا ہے۔ ایہو کارن ہے جو ویتنام وچ طبی عملے دے رکناں نوں ایہہ اجازت نہیں جو کسے حاملہ زنانی نوں ایہہ دسیا جاوے پئی اوہدے گھر پتر ہووے گا یاں دھی۔

ملکی حکومت دا کہڻا ہے جو ویتنام وچ اجکل ہر اک سو کڑیاں دے مقابلے وچ اک سو گیاراں منڈے جم رہے نیں۔ کجھ علاقیاں وچ تے ایہہ در اک سو ویہہ منڈے فی اک سو کڑیاں دی حد تیکر وی اپڑ چکی ہے۔ جدوں تیکر ایہہ جمڻ والے بال جوان ہو کے ویاہ جوگے ہوڻ گے، اودوں تیکر ویتنام وچ مرداں تے زنانیاں دی گڻتی وچ فرق تن ملین توں وی کِتے بہتا ہو چکیا ہووے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels