Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> زنانیاں دے حق: سب توں چنگی علاقائی مثال نیپال

زنانیاں دے حق: سب توں چنگی علاقائی مثال نیپال

وچار ڈیسک
July 9th, 2011

اقوام متحدہ دی اک نویں رپورٹ موجب دکھڻی ایشیا وچ نیپال وچ گھروکی مارا ماری نوں مکاؤڻ تے روزگار دیاں تھاواں تے زنانیاں لئی برابر حقاں بارے کیتی گئی قانون سازی گھٹو گھٹ علاقائی پدھر تے ہور ریاستاں لئی سب توں چنگی مثال ہے۔

کھٹمنڈو توں ملیاں رپورٹاں موجب ایہہ گل عالمی ادارے دی اک انج دی نویں رپورٹ وچ کہی گئی ہے جیہدا سرلیکھ ہے '' دنیا دیاں زنانیاں لئی تری: انصاف دی بھال وچ''۔ ایس رپورٹ موجب ہمالیہ دی گذریل ہندو بادشاہت تے نویں جمہوریہ نیپال تے دکھڻی ایشیا دی اک ہور نکی جہی بادشاہی بھوٹان دو انج دے ملک نیں، جیہڑے آپڻے گھر عام شہریاں ولوں اوہناں دی ویاہی زندگی وچ مارا ماری نوں قانونی طور تے جرم متھ چکے نیں۔

اقوام متحدہ دی ایس رپورٹ وچ کہیا گیا ہے جو دکھڻی ایشیا دی علاقائی تعاون دی ستھ یاں سارک دی رکن ریاستاں دی گڻتی اُنج تے 7 ہے، جیہناں وچ پاکستان، ہندوستان تے بنگلہ دیش وی رلتی نیں، پر نیپال تے بھوٹان اوہ اکلیاں مثالاں نیں، جتھے زنانیاں نال گھروکی مارا ماری نوں مکاؤڻ لئی ایس بارے متاثر کرن دی حد تیکر قانون سازی وی کیتی گئی ہے۔

حالیں نویں دلی وچ جاری کیتی گئی اقوام متحدہ دی ایس رپورٹ وچ کہیا گیا ہے جو زنانیاں نوں نیاں دیڻا تے اوہناں دی ملکی عدلیہ تیکر پہنچ دا سب توں وڈا مڈھ ایہہ ہے جو متعلقہ ریاست اوہناں نوں اک انج دا قانونی تے آئینی ڈھانچہ دیوے، جیہڑا اوہناں دے حقاں دے تحفظ دی ضمانت دیندا ہووے۔

رپورٹ موجب ایس بارے نیپال دی مثال ایہہ ظاہر کردی ہے پئی قانون جے برابری دے مڈھ تے بڻائے جاڻ، تے اوہ وسیب وچ نویاں قدراں دے ظہور وچ آؤڻ دے ضامن بنڻ دے نال نال وسیبی پدھر تے نویں بدلیاں دا کارن وی بڻ دے نیں۔

ایس رپورٹ وچ نیپال وچ ہی اوہناں قانونی ضمانتاں نوں وی سلاہیا گیا ہے، جیہناں دے ہیٹھ پبلک سیکٹر وچ نیپالی زنانیاں نوں گھٹو گھٹ وی اک تہائی نمائندگی دی ضمانت دتی گئی ہے۔ ایس سلسلے وچ عالمی ادارے دی ایس لکھت وچ نیپال دا مقابلہ گوانڈھی ملک تے دنیا دی سب توں وڈی جمہوریت ہندوستان نال کیتا گیا ہے، جتھے نویں دلی دی ملکی پارلیمان وچ زنانیاں نوں ملی نمائندگی دا اجوکا تناسب صرف 11 فیصد بڻ دا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels