Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> آسٹریلیا: پولیس نوں نقاب لہواؤڻ دے اختیار نیں

آسٹریلیا: پولیس نوں نقاب لہواؤڻ دے اختیار نیں

وچار ڈیسک
July 6th, 2011

آسٹریلیا دی پولیس نوں ملک وچ جرماں نوں روکڻ دے سلسلے وچ کسے وی زنانی دا نقاب لہواؤڻ دا حکم دیڻ دا اختیار دے دتا گیا۔ آسٹریلیا دی حکومت نے آپڻی پولیس نوں ایہہ اختیار دتا ہے پئی اوہ جے جرماں نوں روکڻ لئی ضروری سمجھڻ پئی کسے زنانی دے چہرے دی پچھاڻ ہوڻی چاہیدی ہے تے اوہ ایس زنانی نوں برقعہ لاہوڻ دا حکم دے سکڻ۔

آسٹریلوی حکومت نے ایہہ فیصلہ پیر نوں ایس واپری دے مگروں دتا جدوں اک عدالت دی جج نے اک مسلمان زنانی نوں ایس بنا تے چھڈ دتا پئی برقعے پاروں اوہدے مونہہ دی پچھاڻ نہیں ہو سکدی۔

سرکاری بلارے دا کہڻا ہے جو اوہناں نوں کوئی پرواہ نہیں جو کسے بندے نے موٹر سائیکل دا ہیلمٹ پایا ہویا ہے برقعہ یاں نقاب، یاں فیر کوئی ہور شے، پولیس نوں ایس گل دی اجازت ہوڻی چاہیدی ہے پئی اوہ چہرے دی پچھاڻ کر سکے۔ فیصلے موجب جے کوئی آپڻا چہرہ وکھاؤڻ توں انکار کرے تے اوہدے تے ساڈھے پنج ہزار آسٹریلوی جرمانہ پایا جاوے گا۔

سرکاری بلارے موجب آسٹریلیا وچ سارے مذہباں دا آدر کیتا جاندا ہے پر کسے بندے نوں قانون دی خلاف ورزی دی اجازت نہیں دتی جا سکدی۔

نیو ساؤتھ ویلز دی اسلامی کونسل نے ایس فیصلے نوں منیا ہے۔ زنانیاں دیاں کجھ اسلامی ستھاں دا کہڻا ہے پئی برقعے لہوا کے زنانی دا مونہہ ویکھڻ لئی زنانی پولیس اہلکار نوں سدڻا چاہیدا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels