Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> چنگے 'سیکس' دی تبلیغ

چنگے 'سیکس' دی تبلیغ

وچار ڈیسک
June 25th, 2011
5 / 5 (1 Votes)

انڈونیشیا دی اک ائیر کرافٹ انجنیئر گنا پسپیتا اسلام دی تبلیغ کردیاں نیں۔ اوہناں دا مقصد جوان زنانیاں نوں چنگے سیکس بارے سمجھاؤڻا ہے تاں جو اوہناں نوں چنگی ویاہی حیاتی لنگھاؤڻ وچ مدد دتی جاسکے۔

فرانس توں پڑھی ہوئی تناں بالاں دی ماں '' وفادار تیویاں دے کلب '' راہیں کئی مذہبی پروگرام تے اکٹھ وچ ایہہ سبق دیندی ہے جو کھسم دے نال چنگے جنسی سانگیاں راہیں طلاق تے ہور '' مغربی طریقے '' دے مسئلیاں توں جان چھڈائی جاسکدی ہے۔

پسپیتا دا کہڻا ہے '' تیویاں حیاتی دے ہر شعبے وچ ہر صورت وچ اپڻے کھسماں دے حکماں دی پابندی کرڻل مثال دے طور تے کھسم نوں کھاڻا، شربت دے کے، اوہنوں آرام تے سکون دے کے تے جنسی سانگیاں راہیں''۔

وفادار تیویاں دا کلب اک مسلم ادارہ ہے جتھے چنگے سیکس نوں چنگی ویاہی حیاتی دی ضمانت تے مضبوط وسیب دا مڈھ متھ دا ہے۔ اردن، ملائشیا، تھائی لینڈ تے سنگا پور وچ اپڻا اثر قائم کرڻ توں مگروں ہڻ ایہہ کلب انڈونیشیا وچ وی بڑا چنگا کم کر رہیا ہے۔

ملائشیا دے اک ادارے ہیٹھ گلوبل اخوان ناں دے کلب دی بنیاد رکھی گئی سی۔ جیہدا مقصد زنانیاں نوکراں دی مدد کرنا تے اوہناں نوں چنگی نوکری دے نال نال چنگے خانہ داری دے پربندھ تے ویاہی حیاتی بارے اگوائی دیڻا سی۔ مگروں وفادار تیویاں دا کلب شروع ہو گیا۔ ایس کلب دے شروع ہوندے ویلے سارے مذہباں دیاں زنانیاں نوں ایہدے وچ رلایا جاندا سی پر کہیا جاندا ہے ایہدی تعلیمات بہتی اسلام کتاباں دے حوالیاں تے ہوندی ہے۔

کلب دی بلار موجب ''جدوں بندہ گھر راضی نہیں ہوندا، تے فیر ایدھر اودھر ویکھدا ہے۔''


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels