Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> امرت ویلے فُرنا:عورتاں لئی ہندوستان خطرناک

امرت ویلے فُرنا:عورتاں لئی ہندوستان خطرناک

June 16th, 2011

حال وچ ہی چھپی اک رپورٹ مطابق ہندوستان عورتاں لئی بہت ہی خطرناک ہے اتے دنیا وچ خطرے دے حساب نال چوتھے نمبر تے ہے۔ اس رپورٹ مطابق افغانستان پہلے نمبر تے ہے، کانگو دوجے، پاکستان تیجے اتے ہندوستان چوتھے نمبر تے ہے۔

اس رپورٹ مطابق ہندوستان دا ایہہ درجہ مکھ طور تے کڑیاں نوں ماں دے پیٹ وچ ہی ختم کرن، کڑیاں نوں پیدا ہوڻ دے بعد مارن، لڑکیاں دے وپار اتے عورتاں تے تشدد دی وجہ کر کے ہے۔

سنہ 2009 وچ ہندوستان دے داخلہ سیکریٹری مدھکر گپتا نے آپڻی اک رپورٹ وچ کہیا سی کہ تقریباً 10 کروڑ عورتاں دا وپار کیتا جا رہیا ہے اتے سی بی آئی دی اک رپورٹ مطابق ملک وچ 30 لکھ دے قریب جسم دا وپار کرن والیاں عورتاں ہیڻ اتے جیہناں وچ 40 فی صدی کڑیاں نابالغ جاں بچیاں ہیڻ۔

یُو این او دے پیپلیشن فنڈ دے مطابق پچھلے کجھ دہاکیاں وچ تقریباً 5 کروڑ عورتاں غائب ہیڻ، جیہناں نوں جاں تاں پیدا ہوڻ توں پہلاں ہی پیٹ وچ ہی جاں جمڻ دے بعد مار دتا گیا ہے۔

ہورناں سرکاری رپورٹاں مطابق عورتاں تے تشدد اتے ظلم بہت وڈی پدھر تے کیتا جاندا ہے۔ عورتاں آپڻے گھراں وچ وی محفوظ نہیں ہیڻ۔دلی ورگے وڈے شہر وی عورتاں لئی محفوظ نہیں سمجھے جاندے۔ حال وچ ہی اک سروے وچ دلی دی عورتاں نے اس شہر نوں اوہناں لئی بہت ہی خطرناک دسیا سی۔عورتاں نال جبر زنا بہت ہی عام جہی گل ہے۔ دلی دیاں سڑکاں تے وی اوہ آپڻے آپ نوں محفوظ نہیں سمجھدیاں اوہناں نال چھیڑ چھاڑ اتے ہور جبر کیتا جاندا ہے۔

مرد پردھان سماج وچ عورتاں نوں مرداں دی جائیداد سمجھیا جاندا ہے اتے اوہناں نال کسے طرحاں دا وی سلوک کرنا جائز ٹھہرایا جاندا ہے۔ مرد سمجھدا ہے کہ عورت تے ہتھ چکڻا اُوہدا جدی حق ہے اتے عورت اوہدے پیر دی جتی ہے۔دلت اتے غریب گھراں دیاں عورتاں دا تاں ہور وی بھیڑا حالَ کیتا جاندا ہے۔ اُچیاں ذاتاں والے سرمائیدار اتے زمیندار اوہناں نوں آپڻیاں غلام ہی سمجھدے ہیڻ اتے اوہناں نال ہر طرحاں دی بدفعلی کرنا آپڻا ربی حق سمجھدے ہیڻ۔

حاکم ٹولے نے سماج وچ عورتاں دے اس بھیڑے حال نوں لٹ کھسٹ دے رشتے قائم اتے برقرار رکھ کے مرداں دی دھونس نوں ہور وی پکا کیتا ہے۔ آزادی دے بعد وی عورتاں دا حالَ ہندوستان وچ بھیڑا ہی رہیا ہے اتے اوہناں تے روزانہ حملے ہوندے رہندے ہیڻ۔ سماج دے ہورناں مسئلیاں وانگ حاکم ٹولا اس مسئلے دے حل وچ وی کوئی دلچسپی نہیں رکھدا۔حاکم ٹولا اتے اوہناں دے نمائندے رولا پاؤندے رہندے ہیڻ کہ ہندوستان دی صدر اک عورت ہے، پارلیمینٹ دی سپیکر اک عورت ہے، حاکم پارٹی دی پردھان وی اک عورت ہے، اس توں ثابت ہوندا ہے کہ ہندوستان وچ عورتاں دا درجہ اتے تھاں بہت ودھیا ہے۔ پر حقیقت کجھ ہور ہی دسدی ہے۔

ہورناں پچھڑے ہوئے اتے دبے کچلیاں لوکاں وانگ ہی ہندوستان وچ عورتاں آپڻے اس بھیڑے حال نوں ختم کرن لئی اتے نویں اساری لئی گھول چلا رہیاں ہیڻ۔ حاکم ٹولے دیاں ساریاں پارٹیاں گلیں باتیں عورتاں دے حقاں دیاں گلاں کردیاں رہندیاں ہیڻ پر عمل وچ اوہناں دے حقاں تے سٹ ماردیاں ہیڻ۔ اس لئی ایہہ کوئی حیرانی دی گل نہیں کہ حاکم ٹولے دے راج وچ ہندوستان عورتاں لئی بہت ہی خطرناک جگہ ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels