Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> افغانستان: زنانیاں لئی سب توں خطرناک، پاکستان تیجے نمبر تے

افغانستان: زنانیاں لئی سب توں خطرناک، پاکستان تیجے نمبر تے

وچار ڈیسک
June 16th, 2011

جنس دے مسئلیاں تے کم کرڻ والے ماہراں دے اک سروے موجب افغانستان زنانیاں لئی سب توں بہتے خطرناک ملکاں وچوں پہلے نمبر تے ہے جدوں کہ پاکستان تے ہندوستان تیجے تے چوتھے نمبر تے آؤندے نیں۔ افریقی ملک ڈیموکریٹک ریپبلک آف کانگو دوجے نمبر تے ہے۔

سروے وچ پنجاں ملکاں دے دو سو تیراں ماہراں نوں پچھیا گیا پئی اوہ مارا ماری، صحت دی مندی حالت تے انسانی سمگلنگ دے حوالے نال ایہناں ملکاں دی درجہ بندی کرڻ۔

تھامس رائٹرز فاؤنڈیشن دی چیف ایگزیکٹو مونیکا ویلا دا کہڻا ہے جو سروے دے سٹیاں موجب زنانیاں وچ تعلیم دی کمی، صحت دی مندی حالت ،زنانیاں نال جبر زنا دیاں ودھدیاں ہوئیاں واپریاں تے قتل ورگیاں واپریاں عام طور تے وڈیاں سرخیاں بڻ جاندیاں نیں۔

تھامس رائٹرز فاؤنڈیشن موجب افغانستان وچ جاری مارا ماری، صحت دی مندی حالت تے غریبی نے افغانستان نوں زنانیاں لئی بہت مندی تھاں بڻا دتا ہے سروے موجب ڈیموکریٹک ریپبلک آف کانگو وچ دوجے تے تیجے نمبر تے نیں۔

ہندوستان جنین کشی تے جسم ویچڻ لئی زنانیاں دی سمگلنگ دے حساب نال ایس فہرست وچ چوتھے جدوں کہ صومالیہ ایس فہرست وچ پنجویں نمبر تے ہے۔

زنانیاں چینج میکر گروپ دی پردھان اینتونینلا نوتاری دا کہڻا ہے جو افغانستان وچ جاری مارا ماری دیاں واپریاں تے نیٹو فوجاں دے فضائی دھاڑیاں نے افغانستان نوں زنانیاں لئی بہت ہی خطرناک ملک بڻا دتا ہے۔

اوہناں موجب انج دیاں زنانیاں جیہڑیاں ایس نظام دے خلاف آواز چکڻا چاہوندیاں نیں یاں لوکاں نوں ایہہ دسڻا چاہوندیاں نیں پئی زنانیاں لئی کیہ صحیح ہے تے کیہ غلط یاں جیہڑیاں پولیس وچ نوکری کرنا چاہوندیاں نیں یاں فیر براڈ کاسٹر بڻنا چاہوندیاں نیں اوہناں نوں ڈرایا یاں فیر قتل کر دتا جاندا ہے۔

سروے موجب پاکستان وچ زنانیاں نوں گھٹ داج لیاؤڻ، گھٹ عمر وچ زنانیاں دے ویاہ تے انکھ دے ناں تے قتل ورگیاں واپریاں پاروں ایس فہرست وچ رلایا گیا ہے۔رپورٹ موجب ہندوستان نوں زنانیاں دے خلاف ودھدیاں ہوئیاں سیکس واپریاں دے حساب نال چوتھے نمبر تے رکھیا گیا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels