Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> افغان زنانیاں: طالبان توں پہلوں تے مگروں

افغان زنانیاں: طالبان توں پہلوں تے مگروں

وچار ڈیسک
June 14th, 2011

افغانستان دے شہراں وچ نظر آؤڻ والیاں پڑھیار کڑیاں نوں ایس گل دی نشانی سمجھیا جاندا ہے پئی اوتھے طالبان دی حکومت ڈیگڻ دے مگروں زنانیاں نوں کنے حق ملے نیں۔

اُس ویلے توں لے کے ہڻ تیکر، اوتھے زنانیاں نوں تعلیم، ووٹنگ تے نوکریاں دے مڈھلے حق ملے نیں، جیہناں نوں طالبان غیر اسلامی متھ دیندے نیں۔ خبراں دے ادارے روئٹرز دی اک رپورٹ موجب ایس دے مگروں وی زنانیاں دی صورت حال تسلی جوگ نہیں ہے تے اوہناں دا بھلک ڈانواں ڈول ہی ہے۔

افغان آگواں ولوں طالبان دے نال امن مذاکرات شروع کرڻ دیاں کوششاں نوں زنانیاں دی ایس صورت حال دا کارن سمجھیا جاندا ہے۔ امریکہ تے نیٹو ایس گل تے کئی واری زور دیندے نیں پئی کسے وی طرحاں دے امن مذاکرات افغانستان دے آئین موجب ہوڻے چاہی دے نیں جیہدے موجب زنانیاں تے مرد برابر نیں۔

پر افغانستان دیاں ڈیڈھ کروڑ زنانیاں لئی، جیہڑیاں اوتھوں دی آبادی دا ادھ نیں ، برابری دے بہتے امکان نہیں ہیڻ۔ افغان پارلیمنٹ دے ایوان بالا دی رکن تے نوبل امن انعام دی نامزدگی پاؤڻ والی 66 سالاں دی ثریا پارلیکا ایس حوالے نال کہندیاں نیں '' مینوں اُکا آس نہیں ہے ، سانوں مذاکرات دے ایجنڈے دا پتہ نہیں تے ایہدے نال افغانستان دیاں ساریاں زنانیاں نوں پریشانی ہے ''۔

اوہناں نے روئٹرز نال گل بات وچ کہیا '' ڈر ہے جو زنانیاں اوہ سارا کجھ کھو دیڻ گئیاں جیہڑا اوہناں نوں ملیا سی '' ۔ پارلیکا نے دسیا جو طالبان کھاڑکو اوہناں تے اٹھ واری دھاڑے مارچکے نیں جیہناں وچ اوہ مساں بچیاں نیں۔

کابل وچ افغانستان اینا لسٹس نیٹ ورک دی کو ڈائریکٹرvan Bijlert Martine کہندیاں نیں : '' اوہناں نوں ( زنانیاں نوں) آگواں دے وچکار اقتدار دی سانجھ دے کسے انج دے معاہدے توں خطرہ ہے ، جیہدے وچ اوہناں دے فائدیاں دا خیال نہ رکھیا گیا ہووے۔''

اوہناں ہور کہیا '' حالی ایس کم دی ضمانت لئی کوئی وی موجود نہیں ہے۔ کوئی نہیں، جیہڑا آکھے پئی ایس معاملے نال چنگی طرحاں نبڑڻا بہت اُچیچا ہے۔'' کجھ حلقے افغان صدر حامد کرزئی تے الزام لاؤندے نیں پئی اوہ وسیب دے پچھونہے میل دی سیاسی حمایت پاؤڻ لئی زنانیاں دے حقاں توں ہتھ کھچ رہے نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels