Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> شکار پور: جرگے دا قتل دے بدلے 12 کڑیاں دیڻ دا فیصلہ

شکار پور: جرگے دا قتل دے بدلے 12 کڑیاں دیڻ دا فیصلہ

وچار ڈیسک
May 7th, 2011

چار ورھے پہلاں ضلع شکار پور وچ مہر برادری دے دو گروہاں وچکار نکی جہی گل تے ہوڻ والے جھیڑے وچ چار بندیاں دے مارے جاڻ پچھوں پے جاڻ والا ویر مکاؤڻ لئی اک جرگہ ہویا جیہنے قتل دے بدلے باراں کڑیاں مقتولاں دے وارثاں نوں دیڻ دا فیصلہ سڻایا ہے۔

دوویں ٹبر اکو برادری دے ہیڻ۔ ایہناں لوکاں وچکار جمعے دے دیہاڑے ضلع سکھر دے علاقے پنوں عاقل دے اک پنڈ رضا گوٹھ وچ جرگہ ہویا۔ جرگے وچ علاقے دے وڈیرے ابراہیم مہر نے فیصلہ دتا پئی چار قتلاں دے بدلے پریل مہر آپنے گھر دیاں باراں کڑیاں دے رشتے الن مہر نوں دیوے گا۔

اک قتل دے وٹے 3 رشتے متھے گئے جیہنوں دوہاں دھراں نے آپسی سانجھ نال منظور کر لیا جدوں کہ ساریاں کڑیاں حالے بالڑیاں ہیڻ۔ کسے معاملے وچ صلح کراؤڻ لئی کڑیاں دے رشتے دیڻ نوں ونی دی رسم آکھیا جاندا ہے۔

جدوں جرگے دی خبر باہر نکلی تے پولیس نے واپری دا نوٹس لیا۔ سکھر دے ضلعی افسر اعتزاز گورایہ موجب کیونجے ایہہ غیر قانونی فیصلہ ہے ایس لئی پولیس نوں مداخلت کرنی پئی ہے۔ اوہناں دا آکھڻا ہے پئی مقدمہ درج کر کے پولیس جرگہ کرن والیاں دے خلاف کاروائی کرے گی۔ پولیس دے معاملے وچ پیڻ پچھوں جرگہ کرن والے غائب ہو گئے ہیڻ۔ پنوں عاقل دے صحافیاں دا آکھڻا ہے پئی ابراہیم مہر نے اوہناں نوں دسیا ہے پئی جرگہ نہیں ہویا سی سگوں ایہہ لوک منت ترلا کرن اوہناں دے کول صلح کرن آئے سی اس لئی اوہناں دی صلح کروا دتی گئی۔

سکھر وچ ہی ہائیکورٹ دی اک سرکٹ بینچ نے سنہ 2005ء وچ اک مقدمے وچ فیصلہ دتا سی پئی جرگہ کرن تے روک لا دتی گئی ہے اتے قتل دے معاملے تے کوئی جرگہ نہیں ہووے گا۔ ایس فیصلے مگروں وی علاقے دے وڈے سیاسی بندے جرگے کردے ہیڻ اتے قتل ورگے معاملیاں تے فیصلہ دیندے ہیڻ اتے قاتلاں نوں ڈنڈ پا کے اوہناں دی جان بخش دیندے ہیڻ۔ وڈے بندیاں نوں ویکھ کے نکے موٹے وڈیرے وی جرگے کرن لگے ہیڻ اتے قتل دے معاملیاں تے فیصلے دتے جاندے ہیڻ۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels