Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> زنانیاں نال ہوڻ والی مارا ماری، ترکی حکومت لئی خطرے دی گھنٹی

زنانیاں نال ہوڻ والی مارا ماری، ترکی حکومت لئی خطرے دی گھنٹی

وچار ڈیسک
April 29th, 2011

عورتاں دے حقاں لئی کم کرن والیاں دا کہڻا ہے جو یورپی یونین وچ رکنیت پاؤڻ دی سدھر رکھڻ والے ملک ترکی وچ زنانیاں دے نال ہوڻ والی گھروکی مارا ماری خطرناک پدھر تے اپڑ گئی ہے۔

ایس سلسلے وچ ترکی دے نیاں دے اداریاں تے اسلام پسند حکمران پارٹی AKP دی نکھیدی کیتی جا رہی ہے۔ انسانی حقاں دی پامالی تے توجہ دیڻ والی اک نیوز سائٹ BIAnet موجب ایس سال فروری تے مارچ دے مہینے وچ 52 زنانیاں آپڻے کھسماں دیاں زیادتیاں دا نشانہ بڻ کے مریاں، جدوں کہ پچھلے سال انج دیاں زنانیاں دی گڻتی 217 دسی جاندی ہے۔ اوہناں وچوں 27 فیصد زنانیاں انج دیاں سی جیہناں نوں اوہناں دے کھسماں نے ایس لئی مار دتا پئی اوہ طلاق لیڻا چاہوندیاں سی۔

2002 توں 2009 وچکار قتل دے انج دے کیس جیہناں وچ زنانیاں جیہناں نوں سوچے وچارے منصوبے ہیٹھ ماریا گیا دی گڻتی وچ 14 گڻا وادھا ہویا۔ ایہہ گڻتی نیاں دی وزارت ولوں ساہمڻے آئی ہے پر ایہناں کیساں دے ساہمڻے آؤڻ والے حالات تے ایہناں جرماں دے گناہی انساناں بارے تفصیلاں نہیں دسیاں گئیاں۔

نکھیدی کرن والے کہندے نیں ایہناں مسئلیاں وچ وادھا اجوکی پچھونہی پارٹی AKP ولوں پچھونہیاں قدراں نوں ودھاؤڻ دیاں کوششاں پاروں ہو رہیا ہے۔ زنانیاں دے حقاں لئی کم کرن والی گلبہار من دیاں نیں جو ترک حکومت وچ وسیب وچ پائی جاڻ والی عورتاں نال مارا ماری دی ریت نوں مکاؤڻ دی سدھر ہی نہیں پائی جاندی، نہ ہی اوہ ایہناں مسئلیاں نوں مکاؤڻ وچ سنجیدہ ہے۔

گلبہار نے ایس مسئلے دا اک وڈا کارن وسیب دے کجھ حلقیاں دا اوہ پروپیگنڈہ متھیا ہے جیہدے وچ مرداں تے زنانیاں نوں تخلیقی طور تے برابر نہیں سمجھیا جاندا ہے۔

ترک وزیر اعظم رجب طیب اردگان نے اک واری کہیا سی پئی عورتاں دے حقاں لئی کم کرن والیاں زنانیاں دی حیثیت حاشیائی ہے۔ اردگان نوں پچھلے سال بہتی نکھیدی دا اودوں ساہمڻا کرنا پیا سی جدوں اوہناں نے اک بیان وچ کہیا سی ' مرد تے زنانی برابر نہیں ہوسکدے، پر ایہہ اک دوجے لئی تکمیلی پکھ رکھدے نیں'۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels