Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> مختاراں مائی دے مقدمے تے مڑجھات لئی پاکستان تے دبا

مختاراں مائی دے مقدمے تے مڑجھات لئی پاکستان تے دبا

وچار ڈیسک
April 24th, 2011

ہیومن رائٹس واچ نے کہیا ہے جو پاکستان مختاراں مائی دے مقدمے وچ پنج ملزماں دی رہائی دے فیصلے تے مڑ جھات لئی سپریم کورٹ نوں درخواست کرے۔ مختاراں مائی دے ایس مقدمے تے ہوئے اجوکے فیصلے تے عالمی پدھر تے غم تے غصے دا وکھالا کیتا گیا ہے۔ مائی نوں2002 وچ پنچائیت دے اک فیصلے تے ہیڑھ زنا دا نشانہ بنایا گیا سی اصل وچ اوہدے بھرا تے مخالف قبیلے دی اک زنانی دے نال سانگے رکھڻ دا الزام سی، تے پنچائیت دا فیصلہ اوہدی سزا سی۔ مائی دے بھرا دی عمر اودوں باراں سال سی۔

سپریم کورٹ دے اک پینل نے جمعرات نوں پنج ملزماں دی رہائی دے خلاف مائی دی اپیل رد کر دتی سی۔ پر اہم ملزم عبدالخالق لئی عمر قید دا فیصلہ برقرار رکھیا گیا۔

ہیومن رائٹس واچ نے پاکستان نوں کہیا ہے پئی ایس مقدمے دی مڑجھات لئی سپریم کورٹ نوں درخواست کرے۔ انسانی حقاں دے ایس ادارے نے پربندھیاں نوں مائی دے تحفظ لئی وی کہیا ہے۔ سپریم کورٹ دے فیصلے دے مگروں مختاراں مائی نے کہیا سی پئی اوہناں دی جان نوں خطرہ ہے۔

ہیومن رائٹس واچ دے ایشیا دے ڈائریکٹر بریڈ ایڈمز دا کہنا ہے جو پاکستان نوں زنانیاں دے حقاں دے حوالے نال صاف سنیہا دیڻا چاہی دا تے ایہہ گل کھولی جانی چاہی دی ہے پئی پنچائتیاں راہیں قانون ہتھ وچ نہیں لیا جاسکدا۔

اوہناں نے اک بیان وچ کہیا ' نیاں نوں یقینی بڻاؤڻ وچ ناکامی ظلم دے بروبر ہے تے ایہدے نال ظاہر ہوندا ہے پئی نیاں دے نظام دے موہرے زنانیاں دے حقاں دی کوئی وقعت نہیں ہے '۔

مائی ہڻ تگڑے بندیاں ولوں خطرہ محسوس کرڻ والیاں زنانیاں دے تحفظ لئی مدد دیندیاں نیں۔ اوہناں نے عدالتی فیصلے دے مگروں خبراں دے ادارے اے ایف پی نوں دسیا سی جو اوہ ایس مقدمے وچ کسے طرحاں دی ہور اپیل نہیں کرڻ گئیاں۔ ایس توں پہلوں انسداد دہشت گردی دی اک مقامی عدالت نے چھ ملزماں لئی سزائے موت دا فیصلہ سنایا سی۔پر لہور ہائی کورٹ نے مگروں پنجاں بندیاں دی رہائی تے اک دی موت دی سزا نوں عمر قید وچ بدلڻ دا حکم سنایا سی۔ سپریم کورٹ نے ہائی کورٹ دا ایہہ فیصلہ برقرار رکھیا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels