Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> مختاراں مائی فیصلہ، خطرے دی گھنٹی

مختاراں مائی فیصلہ، خطرے دی گھنٹی

وچار ڈیسک
April 23rd, 2011

انسانی حقاں دے پاکستانی کمیشن نے مختاراں مائی دے مقدمے وچ سپریم کورٹ دے ایس فیصلے تے بہت بے دلی ظاہر کیتی ہے تے ایہنوں خطرے دی گھنٹی کہیا ہے۔ کمیشن نے کہیا ہے ایہہ فیصلہ جنسی مارا مار دا شکار ہوڻ والی زنانی دیاں اوہ تکلیفاں ودھا دیوے گا جیہڑا اوہناں نوں اذیت دا شکار بناؤڻ والیاں نوں نیاں دے کٹہرے وچ کھلیارڻ وچ پیش آؤندیاں نیں۔

جمعے نوں جاری ہوڻ والے اک بیان وچ کمیشن نے کہیا ہے جو ایہہ گل بہت بے دل کرن والی ہے پئی پولیس دی گھٹ پڻ چھاڻ تے مقدمہ رجسٹر کرن وچ کویل نوں ملزماں دی رہائی دا مڈھ بڻایا گیا ہے۔

کمیشن نوں ایس بارے بہت چنتا ہے پئی عدالتاں وچ ایس جوگتا اتے احساس دی تھوڑ ہے پئی جبرزنا دے مقدمیاں وچ ثبوت تے گواہی نوں ٹھیک طریقے نال پرکھ سکے۔

بیان موجب انسانی حقاں دے کمیشن دی چیئر پرسن زہرہ یوسف نے کہیا ہے اوہناں بندیاں، جیہناں نے مختاراں مائی نال جنسی مارا ماری کیتی تے ایس جرگے دے رکن جیہناں نے ایہہ حکم دتا سی پئی مختاراں مائی نال جنسی مارا ماری کیتی جاوے اوہناں دی پچھاڻ عوام دے ساہمڻے ہوئی سی۔

بیان وچ کہیا گیا ہے جو ایہہ خیال پئی مقدمہ درج کرن وچ کویل نال جنسی مارا ماری دے الزام ٹھیک ہوڻ پاروں شک پیدا ہوئے ایس ہرکھ تے پریشانی توں ولاؤڻ دے برابر ہے جیہڑا جنسی مارا ماری دا شکار ہوڻ والی نوں اپڑ دا ہے۔ ایہہ دوویں پکھ 3 ججاں دے بینچ دے اک جج ہوراں نے فیصلے بارے آپڻے اختلافی نوٹ وچ لکھے نیں۔

مختاراں مائی دے مقدمے دے نتیجے دی سب توں ہرکھ والی گل ایہہ ہے پئی ایس ملک وچ جتھے جنسی مارا ماری وڈی پدھر تے ہو رہی ہے تے کئی واری انج دیاں واپریاں رپورٹ وی نہیں ہوندیاں انج دے فیصلے جنسی مارا ماری دا شکار بنڻ والیاں زنانیاں دا حوصلہ ڈھاؤڻ گے پئی اوہ اذیت اپڑاؤڻ والیاں دے خلاف بولڻ تے ایس جرم دی رپورٹ کرن کیوں جو اوہناں نوں آپڻے اتے آپڻے خاندان والیاں نوں ہور اذیت اپڑڻ دا ڈر ہووے گا۔

کمیشن موجب ایہدے نال زنانیاں دے خلاف ہوڻ والے جرم وی ودھ سکدے نیں کیوں جو جنسی مارا ماری کرن والیاں نوں ایہہ پک ہو جاوے گا پئی اوہ جرم کر کے صاف بچ جاڻ گے۔

ایس توں پہلوں پاکستان دے وزیر داخلہ رحمن ملک نے کہیا ہے حکومت ہیڑھ زنا دا شکار ہوڻ والی مختاراں مائی نوں تحفظ دیوے گی۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels