Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> یمن: صدر دے خلاف زنانیاں دا اک وڈا وکھالا

یمن: صدر دے خلاف زنانیاں دا اک وڈا وکھالا

وچار ڈیسک
April 17th, 2011

ہفتے نوں یمن دے دارالحکومت صنعا تے کئی دوجے شہراں وچ زنانیاں بارے صدر دے تبصریاں دے خلاف ہزاراں بندیاں نے جیہناں وچ وڈی گڻتی زنانیاں دی سی، وکھالے کیتے۔جمعے نوں صدر علی عبداللہ صالح نے حکومت مخالف وکھالیاں وچ مرداں دے نال زنانیاں دی رلت نوں اسلامی قانوناں دے خلاف متھ دیاں ہوئیاں مخلوط وکھالے مکاؤڻ دی اپیل کیتی سی۔

اوہناں نے ایہہ بیان صنعا وچ آپڻے حمایتیاں نال خطاب وچ دتا سی۔ آپڻے خطاب وچ اوہناں نے ایہہ وی کہیا سی جو ملک نوں اوہناں دی اگوائی دی لوڑ ہے۔ اوہناں نے آپڻے حمایتیاں نوں کہیا اقتدار وچ اوہناں دی ہوند اک آئینی منگ ہے۔

جدوں اوہ تقریر کر رہے سی تے دارالحکومت وچ اک دوجے تھاں تے اوہناں دے خلاف وکھالا کیتا جا رہیا سی۔ جنوری دے اخیر وچ حکومت مخالف وکھالے شروع ہوڻ توں مگروں ہڻ تیکر سیکورٹی فورسز تے وکھالیاں وچکار جھڑپاں وچ 100 توں بہتے بندے مارے گئے نیں۔

وکھالیاں دا کہنا ہے جو اوہ وڈی پدھر تے بے ایمانی تے ودھدی ہوئی بے روزگاری توں اَک گئے نیں۔ حکومت دے خلاف اجوکی بے چینی دے شروع ہوڻ توں مگروں یمن دی حکومت نوں ملک دے دکھڻی حصے وچ وکھیویں دے حمایتی تے القاعدہ دیاں کاروائیاں دے مسئلے دا ساہمڻا سی۔

جمعرات نوں اک مذہبی ستھ تے قبائلی سرداراں نے وکھالیاں دی حمایت کردیاں ہوئیاں صدر صالح دے استعفے دی منگ کیتی سی۔ اوہناں ولوں جاری ہوڻ والے بیان وچ کہیا گیا ہے جو صدر نوں پرامن وکھالیاں دی منگ پوری کردیاں ہوئیاں چھیتی توں چھیتی اقتدار توں اڈ ہو جاڻا چاہیدا ہے۔

حزب اختلاف دے آگواں نے مسٹر صالح نوں اقتدار چھڈڻ لئی دو ہفتیاں دی مہلت دتی ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels