Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> بلدیاتی چوڻاں لڑن لئی سعودی زنانیاں دی ویب مہم

بلدیاتی چوڻاں لڑن لئی سعودی زنانیاں دی ویب مہم

وچار ڈیسک
April 12th, 2011

سعودی عرب وچ زنانیاں دی اک ڈھاڻی نے سعودی عرب وچ بلدیاتی چوڻاں وچ زنانیاں دے رلتی ہوڻ لئی اک ویب سائٹ مہم چھوہی ہے۔ 'بلادی' ناں دی ایس ویب سائٹ تے حالے تیکر 2000 زنانیاں ممبر بڻیاں ہیڻ اتے پربندھیاں دا آکھڻا ہے پئی ایہہ مہم زنانیاں آپڻے طور تے چلا رہیاں ہیڻ۔

پربندھیاں دا آکھڻا ہے پئی اوہ چاہوڻدے ہیڻ پئی زنانیاں جیویں گھر داری نوں سانبھدیاں ہیڻ اوسے طرحاں میونسپل سیواواں وچ وی آؤڻ۔ ایس ویب سائٹ تے سرکار ولوں زنانیاں نوں دتے جاڻ والے وڈے عہدیاں اتے زنانیاں دے کارنامیاں دے دس وی پائی گئی ہے۔

سائٹ دے پربندھیاں دا آکھڻا ہے پئی زنانیاں وسیب وچ پہلاں ای وڈے عہدیاں تے آ گئیاں ہیڻ ایس لئی اوہناں نوں بلدیاتی چوڻاں لڑن دا وی حق دتا جاڻا چاہیدا ہے۔ زنانیاں آپڻا روائتی کردار لنگھ کے اگے آ گئیاں ہیڻ اتے وسیب نوں چلاؤڻ جوگیاں ہو گئیاں ہیڻ۔ مہم موجب سعودیہ ولوں دستخط کیتے گئے عالمی کنونشن موجب زنانیاں نوں جڻیاں دے ساہویں حق ملنے چاہیدے ہیڻ۔

ایہناں حقاں وچ زنیاں دا بلدیاتی چوڻاں لڑن دا حق وی رلتی ہے۔ ایہدے نال فیصلے کرن دے عمل وچ زنانیاں سدھیاں ساہویاں رلتی ہو سکڻ گیاں اتے سعودی زنانیاں بارے مشہور بھیڑے وچار مکائے جا سکڻ گے۔

ایس توں پہلاں وی اک مہم زنانیاں دی بلدیاتی چوڻاں وچ رلن لئی چلائی گئی سی پر اوہ توڑ نہیں چڑھ سکی۔ سعودی لبرل گروپ سڻے کئی ڈھاڻیاں ولوں ایس نعرے تے چوڻاں دا بائیکاٹ کرن دا سدّا دتا گیا ہے پئی جے زنانیاں نوں چوڻاں نہیں لڑن دتیاں جاندیاں تاں چوڻاں وچ کوئی وی نہیں رلے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels