Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> فرانس وچ نقاب تے روک دا قانون لاگو

فرانس وچ نقاب تے روک دا قانون لاگو

وچار ڈیسک
April 11th, 2011

فرانس وچ سرعام پورے مونہہ دے نقاب تے روک دا قانون اج توں لاگو ہو گیا ہے۔ ایس روک دی خلاف ورزی کرڻ تے ڈیڈھ سو یورو جرمانہ بھرنا ہووے گا۔ایس روک دے لاگو ہوڻ دے حوالے نال پچھلے ہفتے پولیس نوں اک ہدایت ناواں دتا گیا سی۔ پولیس نوں کہیا گیا پئی نقاب لوان لئی طاقت نہ ورتی جاوے۔

فرانس سرعام برقعہ پاؤن یاں مونہہ لکاؤن تے روک دا قانون لاگو کرن والا پہلا یورپی ملک بڻ گیا ہے۔ پر اوتھے اک مسلمان پراپرٹی ڈیلر نے زنانیاں تے زور دتا جو اوہ چاہوڻ تے سر عام نقاب ورتنا جاری رکھن۔ اوہناں نے اپنے حمایتیاں نوں ایہہ وی کہیا پئی اوہ پیر نوں پیرس وچ نوٹرے ڈیم کیتھیڈرل جا کے چپ کر کے دعا کرن۔

ایس بندے نے زنانیاں نوں جرمانے دی رقم بھرڻ لئی مدد دی پیشکش وی کیتی ہے۔ Rachid Nekkaz ناں دے ایس ڈیلر دا کہنا ہے پئی اوہ اپنے منصوبے دی مالی مدد لئی ویہہ لکھ یورو دی جائیداد ویچڻ جارہیا ہے۔ کئی مسلمان آگواں نے کہیا ہے پئی اوہ نہ تے نقاب ورتڻ دی حمایت کردے نیں تے نہ ہی اوہدے تے روک دے قانون دے حمایتی نیں۔

ایس روک دے لاگو ہوڻ دا ویلا وی نازک کہیا جارہیا ہے۔ ایہدی وجہ صدر نکولا سارکوزی دی حکمران جماعت یو ایم پی ولوں فرانس وچ اسلام دی حیثیت تے بحث شروع کرڻ دا اعلان ہے۔ کجھ حلقیاں نے خطرہ ظاہر کیتا ہے پئی ایہہ کاروائی وسیب دے اک حصے دی وچار نوں منفی بڻا سکدی ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels