Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> مقابلہ حسن وچ مسلم ماڈل دی رلت

مقابلہ حسن وچ مسلم ماڈل دی رلت

وچار ڈیسک
March 30th, 2011

پاکستانی مڈھ دی مسلم ماڈل شانا بخاری عالمی مقابلہ حسن وچ برطانیہ دی نمائندگی کرن دی کوشش وچ نیں پر مسلم برادری ولوں اوہناں دی کرڑی نکھیدی ہو رہی ہے تے اوہ ایہدے وچ اپنی رلت دا دفاع کر رہیاں نیں۔

شانا بخاری برطانوی شہر مانچسٹر وچ رہندیاں نیں۔ اوہ برطانیہ وچ ہوڻ والے مقابلہ حسن دے فائنل تیکر اپڑن وچ کامیاب ہو گئیاں نیں۔شانا برطانیہ دے شہر بلیک برن وچ جمیاں سڻ تے گریجویشن دے مگروں اوہناں ماڈلنگ شروع کر دتی سی۔ اوہناں دا کہڻا ہے جو برطانیہ دے مقابلہ حسن دے فائنل وچ اپڑن توں مگروں اوہناں نوں گالھ مندے نال بھرے سنیہے مل رہے نیں۔

اوہناں کہیا اوہناں دا ایہہ سفنا ہے جو اوہناں نوں مس یونیورس دا تاج پایا جاوے پر اوہناں نوں کہیا جا رہیا ہے جو اوہ آپڻے مذہب دے خلاف کم کر رہیاں نیں۔ شانا دا کہڻا سی جو اوہناں نوں انج دیاں گلاں سنڻ نوں مل رہیاں نیں '' کیوں جو توں ایہہ کر رہی ایں ایس لئی مسلمان نہیں۔ پر ایہہ مقابلہ ہی مینوں بھیڑا مسلمان نہیں بناؤندا۔ ایس لئی مینوں ایہدے نال کوئی دکھ ہوندا ہے پئی لوک انج وچار دے نیں'۔

مسلماناں ولوں شانا دی مخالفت دا اک وڈا کارن ایہہ ہے جو مقابلہ حسن وچ شانا نوں تیراکی دے کپڑیاں وچ ساہمڻے آؤڻا ہووے گا۔پر شانا دا کہڻا ہے جو پاکستان وچ اوہناں دے خاندان سڻے کئی بندے اوہناں دی حمایت کردے نیں تے ایہہ کہ اوہ بکنی نہیں پاؤڻ گئیاں سگوں اک کپڑا تے تہمد بنھڻ گئیاں۔

جے شانا نے یکم مئی نوں برطانیہ دا فائنل مقابلہ جتیا تے اوہ عالمی مقابلے حسن وچ برطانیہ دی نمائندگی کرن والی پہلی زنانی ہووے گی۔ ایہہ مقابلہ برازیل وچ ہووے گا۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels