Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> عورت سنسار >> میڈیا انڈسٹری وچ وی مرداں دی اجارہ داری

میڈیا انڈسٹری وچ وی مرداں دی اجارہ داری

وچار ڈیسک
March 24th, 2011

واہوا چر تیکر "بوائز کلب" اکھواؤڻ والی میڈیا دی دنیا وچ ہڻ وی مرداں دی اجارہ داری ہے۔ اک نویں کھوج موجب سارے جگ وچ ہڻ وی کئی نیوز رومز وچ عورتاں نوں چنگی نمائندگی نہیں ملدی۔

انٹرنیشنل وومنز میڈیا فاؤنڈیشن نے دنیا دے 59 ملکاں دے 500 صحافی اداریاں دی اک کھوج پیش کیتی ہے۔ ایہدے وچ میڈیا دی صنعت نال جڑے کوئی دو لکھ بندیاں دے پیشہ وار پربندھاں نوں پرکھیا گیا تے دفتراں وچ زنانیاں دی نمائندگی پتہ کیتی گئی۔ دو سالاں دی ایس محنت نال ثابت ہویا پئی میڈیا وچ اُچ پدھری پربندھی عہدیاں، چھپوائی، رپورٹنگ، ادارت، فوٹو جرنلزم ، تے براڈ کاسٹنگ وچ زنانیاں نوں مرداں دی برابر نمائندگی نہیں ملدی۔

تفصیلاں موجب رپورٹنگ دے شعبے وچ دو تہائی گڻتی مرد صحافیاں دی ہے جدوں کہ اک تہائی نمائندگی زنانیاں نوں ملدی ہے۔ ایہدے الٹ ادارت ورگے شعبیاں وچ زنانیاں دی نمائندگی بہت چنگی ہے۔ پچھلے دو دھاکیاں وچ میڈیا دی انڈسٹری وچ وڈی گڻتی وچ زنانیاں آئیاں پر اُچ پدھری پربندھی عہدیاں تے ہڻ وی مرداں نوں بہتی نمائندگی حاصل ہے۔

سوادی حقیقت ایہہ ساہمڻے آئی ہے جو برطانیہ ورگے ترقی کیتے ملکاں سڻے دنیا دے 20 ملک نیں جتھے زنانیاں نوں میڈیا دے شعبے وچ چنگی نمائندگی ملی ہے اوتھے جنسی برابری نوں یقینی بناؤڻ لئی قانون موجود نیں۔ ایس رپورٹ دی اُچیچتا انج وی بہتی ہے جو ایس ہفتے بین الاقوامی میڈیا نال جڑے وڈے عہدیدار واشنگٹن وچ انٹرنیشنل ویمن میڈیا لیڈرز کانفرنس وچ رلتی ہو رہے نیں۔

انٹرنیشنل وومنز میڈیا فاؤنڈیشن دی رپورٹ موجب جاپان دے نیوز چینلز وچ مرد تے زنانیاں دا تناسب چھ اک ہے جدوں کہ دکھڻی افریقہ وچ 80 فیصد اُچ پدھری پربندھی عہدیاں تے زنانیاں لگیاں نیں۔ اک ہور نکتہ ایہہ ساہمڻے آیا ہے جو ظاہر وچ مرداں دی اجارہ داری پاروں رپورٹنگ وچ وی کئی واری مرداں نوں وی وسیلے دے طور تے پیش کیتا جاندا ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels