Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> زحل سیارے تے سمندر لبھیا، زندگی وی ہو سی۔ وائس آف امریکہ

زحل سیارے تے سمندر لبھیا، زندگی وی ہو سی۔ وائس آف امریکہ

وچار ڈیسک
September 21st, 2017

واشگٹن 20 سال گزرن دے بعد جس دوران دو بار مدت وچ توسیع دتی گئی، خلائی گڈی کیسینی جمعے دے روز زحل سیارے تے آخری ڈبکی لان لئی تیار کھڑی ہے۔ ناسا دی مخصوص لیبارٹری دے سائنس داناں تے انجنیئراں دا کہنا ہے کہ انہاں نے خلائی گڈی نال ایہہ رسک لین دا فیصلہ ایس وجہ توں کیتا ہے کیونکہ مشن دے دوران انہاں نوں زحل دے چن دے سیاریاں تے زندگی دے کجھ آثار نظر آئے سن۔ مورگن کیبل کیسینی دے سائنسی نظام دی انجنیئرنگ دے منصوبے دے معاون سربراہ نیں۔ بقول انہاں دے، منصوبے نوں ڈزائن کردے وقت سانوں ایس گل دا خیال نہیں سی کہ ایس گہرے نظام شمسی وچ سمندراں دی دنیا آباد ہے۔ زحل دے چن تے سمندراں دی دریافت دا مطلب ایہہ ہویا کہ اوتھے زندگی دا وجود ہوئے گا۔ پہلی غیر متوقع دریافت اوس وقت سامنے آئی جداں قطب جنوبی دے انسیلادوس حصے تے زحل دے چھلے دار کونے تے اک چن جیہا مکھڑا ویکھیا گیا۔ مولی بٹنر کیسینی خلائی گڈی دے موجد نظاماں دی انجینئر نیں۔ انہاں دے الفاظ وچ ایس دی تہہ دے اندر رقیق پانی دا سمندر بل کھا رہیا ہے، جس توں گرم چشمے پھٹدے نیں جو شگاف دی شکل اختیار کردے نیں تے فیر انہاں چوں گرم چشمے ابلن لگدے نیں۔ کیسینی تے نصب آلات نے گرم چشمے توں ابلدی ہوئی گیس دے ذرات دا ذائقہ چکھ لیا ہے۔ کیبل نے دسیا کہ سانوں پتا ہے کہ اوتھے نمکیات موجود نیں ا تے ایہہ گل حیات دی نشاندہی کردی ہے کیونجے زندگی نوں کجھ معدنیات دی ضرورت پیندی ہے۔ ایتھے نمک موجود ہے ۔سانوں پک ہے پئی سمندر دی تہہ وچ آبی حرارت دے سوراخ نیں جیہڑے سمندر دے بہاؤ نوں ظاہر کردا جے۔ اینج ہے کہ جداں زمین تے سانوں آبی حرارت دے سوراخ ملدے نیں تے تہانوں بیشمار نامیاتی وجود دا پتا چلدا ہے۔ کیسینی دی مدد نال سائنس دان زحل دے سب توں وڈے چن ٹیٹان توں ڈیٹا اکٹھا کرن وچ وی کامیاب رہے نیں۔ ٹیٹان تے پانی دی جگہ لیتھین تے ایتھین دے ما ئع تے مبنی جھیلاں تے سمندر دریافت ہوئے نیں۔ ایس گل دا وی ثبوت موجود ہے کہ ایس دی تہہ دے اندر مائع سمندر موجاں ماررہیا نیں۔ جس وچ شاید امونیا تے پانی موجود ہے۔ سائنس دان تے انجینئر کہندے نیں کہ ایسی فضا وچ حیات نوں برقرار رکھنا عین ممکن ہے۔ کیبل دے بقول اسی ہلے تک زندگی دے ایسے سحر انگیز مقامات دا کھوج لا رہے ہاں تے ساڈے سامنے نظام شمسی دا ایہہ اک عجیب نظارہ ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels