Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> 99 ملک غیر معمولی سائبر حملیاں دی زد وچ۔بی بی سی رپورٹ۔نواں کٹا

99 ملک غیر معمولی سائبر حملیاں دی زد وچ۔بی بی سی رپورٹ۔نواں کٹا

وچار ڈیسک
May 16th, 2017

نویں ٹیکنالوجی کدی اکلی نہیں آندی سگوں اپنے نال نویں بماریاں وی لیاندی ہے تے نویں چور وی۔ہن اساں ڈیجیٹل عہد وچ آوڑے ہاں تاں مارے سائبر چوریاں، سایبر حملیاں دا ذکر خبراں وچ وادھو۔بی بی سی سانوں ڈراون دی کوشش کر رہیا ہے یا نرا نویں چوراں بارے دس رہیا ہے، ایس بارے رپورٹ پڑھ کے فیصلہ کرنا۔

یورپ دی پلس ایجنسی دا آکھنا ہے کہ غیر معمولی پدرتے سائبر حملیاں نے دنیا دے مختلف اداریاں نوں شانہ بنایا ہے جس وچ برطانوی ادارہ نیشنل ہیلتھ سروس وی شامل ہے۔ یورو پول نے آکھیا ہے کہ ایس سائبر حملے دے ذمہ وار تک پہنچن لئی گنجھلدار عالمی تحقیقاں دی لوڑ ہے۔ امریکہ، برطانیہ، چین، روس، سپین، اٹلی تے تائیوان سمیت 99 ملکاں وچ رینسم ویئر دی اطاعات موصول ہوئیاں نیں۔ رینسم ویئر اوہ کمپیوٹر وائرس ہوندا ہے جس دی مدد نال وائرس کمپیوٹر یا فائلاں نوں لاک کردیندہ ہے تے ایس نوں کھولن دا معاوضہ منگیا جاندا ہے۔ خیر ایس دا پھیلاؤ ہن گھٹ ہوندا دکھائی دے رہیا ہے۔ فیر وی ایس دا خطرہ ہلے ٹلیا نہیں۔ یورو پول نے آکھیا ہے کہ ایس دی EC3 نامی ٹیم متاثرہ ملکاں وچ موجود ایہو جہیاں ٹیماں نال رل کے کم کررہی ہے تاکہ خطرے نوں گھٹ کیتا جاسکے تے متاثرین دی مدد کیتی جائے۔ سائبر سکیورٹی دے ماہرین انہاں واقعات نوں اک مشترکہ حملے دی صورت وچ ویکھ رہے نیں۔ اک ماہر نے ٹویٹ کیتا کہ انہاں نے ہزاراں کمپیوٹراں وچ وانا کرائی (Wana Cry) نامی رینسم ویئر ویکھیا ہے۔ اینٹی وائرس سافٹ ویئر ایواسٹ دے جیکب کروسٹیک نے آکھیا: ایہہ بہت وڈا (حملہ) ہے۔ کجھ ماہرین دے مطابق ایس کمپیوٹر انفکیشن دا تعلق اک ہیکر گروپ ’دی شیڈو بروکرز‘ نال ہے جیہنے حال ہی وچ امریکی نیشنل سکیورٹی ایجنسی توں ہیکنگ ٹولز چوری کرکے نشر کرن دا دعویٰ کیتا سی۔ مائیکرو سافٹ کمپنی نے مارچ وچ ایسی قسم دے حملے توں بچن لئی اک پیج جاری کیتا سی پر بڑے کمپیوٹراں وچ ایہہ انسٹال نہیں ہویا۔ کجھ سکیورٹی ماہرین نے توجہ دوائی ہے کہ ایہہ انفیکشن ورم نامی اک پروگرام دی مدد نال پھیلائے گئے نیں جو کمپیوٹراں دے درمیان آپ منتقل ہوندا ہے۔ ایس توں علاوہ یورپ دے کئی ہور ادارے وی زد وچ آئے نیں۔ ٹیلی کام کمپنی ٹیلی فونیکا نے اک بیان وچ آکھیا انہاں نوں سائبر حملیاں دے واقعات دا پتہ چلیا ہے پر ایس توں ایس دے گاہک متاثر نہیں ہون گے۔ بجلی فراہم کرن والی کمپنی آئبرڈرولا تے گیس نیچرل وی متاثرین دی فہرست وچ شامل ہیں۔ اطلاعات دے مطابق کمپنیاں دے عملے نوں آکھیا گیا سی کہ اوہ اپنے کمپیوٹربند کردین۔ وانا کرائی دے پیغامات دے سکرین شاٹس ویب تے گردش کررہے نیں۔ کجھ دوجی تصویراں وچ دکھایا ہے کہ اٹلی وچ اک یونیورسٹی دے کمپیوٹر ایسے پروگرام نے لاک کردتے نیں۔دوجیاں متاثر ہون والیاں کمپنیاں وچ فیڈیکس تے پرتگال ٹیلی کام رلتی نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels