Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ساڈا ساینسی ماضی: لہور وچ 1663دا سیلاباں توں بچن لئی بنایا گیاحفاظتی بند

ساڈا ساینسی ماضی: لہور وچ 1663دا سیلاباں توں بچن لئی بنایا گیاحفاظتی بند

January 31st, 2017

راوی نوں متھ کے لہور دی تواریخ اجے نہیں لکھی گئی بس زبیرشفیع غوری ہوراں راوی کنارے ہڑپہ توں پہلاں دیاں 18وستیاں دا حال لکھ کے ’’بدعت‘‘ کر چھڈی ہے اتے نویں کھوجیاں نوں اگے دا رستہ وکھایا ہے۔لہور دربار دے افسراں ’’کورٹ‘‘ تے ’’وینچورا‘‘ ہوراں1827وچ ٹیکسلا دے کھنڈر لبھے سن تاں سانو ں اپنے ’’گندھارا‘‘ ماضی بارے جانن دی سْرت آئی سی۔قادری، خضری یا شیرانوالہ دروجا اک ہی تھاں دی ناں نیں اتے پرانیاں کتاباں، سنے اطالوی لکھاری منوچی سب لکھیا ہے پئی شیرانوالہ توں جہیڑی کشتی یا نکا جہاز راوی وچ چلدا سی اوہ ٹھٹہ کول ’’لہوری بندر‘‘ راہیں سمندر ول جاندا سی۔مجید شیخ ہوراں نے تے محمود بوٹی توں نواں کوٹ تیک راوی دی پرانی گذرگاواں نوں کنڈیاں تے گواچ چکے گھاٹاں دے نشاناں نال لبھیا جے۔انہاں تے تختے نما پلاں دا ذکر وی کیتا ہے جیہڑے شہر دے بوہے توں دریا تیک فصیل وچ پروئے رسیاں نال ڈونگے پاسے ول مال تے بندیاں نوں لیجاندے سن۔اجہیا اک نشان شیخ ہوراں موچی دروجے آپ ویکھیا سی۔شہر دی دیوار توں باہر وڈی نہر بارے تے کتاباں وچ وادھو انفارمیشن ہے پر راوی نال اجہے تختہ نما پلاں پاروں اساں اپنے پرانے انجینئیراں تے کاریگراں اتے لوہاراں تے ترکھاناں بارے سوچ سکدے ہاں۔ ایہہ سب نوں بادشاہواں دے کھاتے پاونا اک کوڑ کم ہے پئی سانوں چاہیدا ہے ایس نوں اپنے ساینس نال سانگے پاروں پڑھیے۔اک اجہے ہور وڈے کم بارے تہانوں دسدے ہاں جہیڑا1663وچ ہویا۔ایس نوں اساں محمود بوٹی بند توں جاندے ہاں۔
اکبر پادشاہ وانگ اورنگ زیب وی اٹک تے کشمیر دی مہماں پاروں لہور آکے بیٹھ گیا سی۔اوہ 3 مئی 1663 نوں کشمیر روانہ ہویا۔ لہور وچ اوہ راوی دے پار ’’باغ دلکشا‘‘ وچ ٹہریا۔ انہاں دناں بارشاں دی شدت نال لہور وچ راوی دے بانی نال سیلابی صورت سی اتے بہوں گھر وی پانی و پانی ہوئے سن۔ شاہی قلعہ تیک اپڑنا وی مشکل سی۔نواں نواں بنن والا شالامار باغ وی پانی نال بھریا ہویا سی۔پادشاہ نے آپدی اکھاں نال ایہہ سب کجھ ڈھٹیا۔اوس کاریگراں نوں سدھیا تے انہاں بند بناون دی مت دتی۔ حکم
ہویا پئی شالامار دے آلدوال توں قعلہ دی دیوار دے نیڑے تیک اک وڈا بند بنایا جائے تاں جے لہور ہمیش لئی سیلابی پانیاں توں بچ جائے۔ بند وچ دریائے راوی ول جا بجا سیڑھیاں سن تے عقب وچ باغات سن۔بعدوں ایس بند دے نال نال درباریاں نے بارہ دریاں تے سیرگاواں بنوالتیاں۔ اس بند نے کئی سال لہور نوں راوی دے سیلاب توں بچاکے رکھیا۔ بعدو چوں جدوں راوی نے آپدی گذرگاہ بدل لتی تے انگریز دور دے آغاز وچ نویں زرعی زمین وی نکل آئی جس نوں انگریزاں ہی ونڈیا۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels