Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> چناں دی ملکیت دی کھیڈ؟

چناں دی ملکیت دی کھیڈ؟

شبّیر جیلانی
November 27th, 2016

اج توں کئی ورھے پہلاں جولائی 1969ء وچ خلا باز نیل آرمسڑانگ نے چن اتے پیر دھریا سی اتے آکھیا سی بئی ایہ نکا جیہا قدم جگت لوکائی لئی بوہت وڈی چھال ہے۔ اوس توں مگروں کئی واری راکٹ چن ول گھلے گئے پر بندہ آپ اوتھے نئیں اپڑیا۔ جمعرات ۶ دسمبر نوں واشنگٹن ڈی سی دے پریس کلب وچ گولڈن سپائیک ناں دی اک کمپنی نے پریس کانفرنس کردے ہویاں دسیا جو اوہ 2020ء تکرپ زمین توں چن تکر کمرشل فلائیٹ شروع کرے گی اتے ایس لئی ٹکٹاں ویچن دا کم چھیتی شروع کر دتا جاوے گا۔ امریکہ اتے دوجے ملکاں دے امیر لوکی کارگو وی بُک کرا سکن گے۔
ایہ کمپنی بزنس مین ایلون مسک نے بنائی ہے اتے کمرشل فلائیٹ لئی سپیس ایکس کمپنی نوں فالکن ہیوی لفٹ وھیکل بنان دا آرڈر دے دتا گیا ہے۔ ایس منصوبے لئی گولڈن سپائیک نے ناسا دے کجھ ریٹائرڈ پربندیاں دی سیواواںوی پراپت کر لیاں ہین۔ چن ول گھلی جان آلی فلائیٹ دا خرچہ کئی کروڑ ڈالر دسیاجاندا ہے۔
ہُن جیویں سپیس ایکس دے راکٹ ملن لگ پین گے، کجھ سیانیاں دے وچار موجب چن اتےایس دے مگروں ایسٹروئیڈ اتے مریخ لئی پرائیویٹ تحقیق اتےمُہماں وی شروع ہو سکدیاں ہین۔ ناسا ہیڈ کوارٹر وچ ایڈوانسڈ ایکسپلوریشن سسٹمز دے ڈائریکٹر جیسنکروسن کہندےہین بئی چن اتے دوجے سیاریاں لئی کھوج دیاں مہماں گھلن واسطے ایس ویلےمسلہک ٹکنا،لوجی دانئیں اے بلکہ ناواں دا ہے۔ اوہ کہندے ہین بئی گولڈن سپائیکناں دی کمپنی شید اک کمرشل فلائیٹ تے گھل دیوے گی پر اوہ ایہ جاننا چاہوندےہین جو ایہو جیہا بزنس ماڈل ایس توں اگاں وی ودھ سکے گا یا نئیں۔
زمین دے مدار چوں باہر نکل کے چن تکر اپڑن لئی بوہت زیادہ بل والے راکٹ انجن دی لوڑ ہے۔ ہجے تیکر سب توں زیادہ بل والا راکٹ سیٹرنوی سی جیہنے اپالو مشن نوں لانچ کیتا سی۔ پر گولڈن سپائیک دی سوچنی ہے جو اوہ تیل، لینڈر اتے عملے جہے وکھو وکھ لود نوں کیری کرن لئی کئی نکےنکے راکٹ ورتے گی تے ایس طراں وڈے راکٹ دے خرچے توں بچ جاوے گی۔
گولڈن سپائیک کمپنی بناؤن آلے ایلنسٹرنہیں جو ناسا ہیڈ کوارٹر وچ سائنس مشن ڈائریکٹریٹ دے پردھان سن۔ اوہناں ناسا نوں2008ء وچ اوس ویلےچھڈ دتا سی جدوں بجٹ بارے اوہناں دا جھگڑا ہو گیا سی۔ اوہ کسے وی منصوبے دا خرچہ گھٹ کرن لئی مشہور سن۔ سٹرنایس ویلےمون ایکسپریس دے چیف سائینٹس ٹہین۔ مون ایکپرےیس اوہ کمپنی ہے جیس نے ۳ کروڑ ڈالر دے خرچے نال چن اتے بنا کسی بندے دے راکٹ گھلیا سی۔ اینسٹرن دے علاوہ کمرشل فلائیٹ منصوبے وچ گیری گریفنوی رلتی ہین جیہڑےناساوچ اپالو دے فلائیٹ مشناں دے ڈائیریکٹر سن۔ سٹرناتے گریفتھ نے کجھ چر پہلاں ناسا دی نکھیدکردےہویاں آکھیا سی جو سپیس وچ مشن گھلن دا پروگرام سست ہے ۔
کجھ لوکاں دی سوچنی ہے جو چن تیکر مشن گھلن دے پرائیویٹ کمپنیاں دے منصوبے ناسالئی اک وڈا چیلنج ہوون گے۔ ایہناں کمپنیاں دا کہنا ہے جو چن کسے دی ذاتی جائیداد نئیں ہے اتے قانوں پاروں کوئی وی بندا یا سرکار چن اتے ملکیت دادعویٰ غلط ہے۔ گولڈن سپائیک دی مانتا ہے جو سپیس ایکپلوہریشن دی رفتار تیز کرن دی لوڑ ہے اتےایس لئی ویلا آ گیا ہے جو کمرشل راکٹ ویورتے جان۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels