Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> سائبر چور ''ریڈ اکتوبر'' داپتا چل گیا

سائبر چور ''ریڈ اکتوبر'' داپتا چل گیا

وچار ڈیسک
January 15th, 2013

روسی کھوج کاراں نے سائبر تے حملے دے ایک ایسے وڈے پروگرام دا پتا لایا اے جہدے بارے سوچیا جا رہیا سی کہ اوہ 2000ء توں خفیہ فائلاں چُرا رہیا سی۔
کیسنپرسکی ریسرچ لیبارٹی نے دسیا کہ سائبر حملے دا ایہہ پروگرام خصوصی طور تے سفارت خانیاں، جوہری کھوج دے اداریاں، گیس تے تیل دے اداریاں دی خفیہ جانکاری حاصل کرن لئی ڈیزائن کیتا گیا سی۔ ماہرین موجب ایہہ بہت ہی حساس قسم داسائبر حملہ سی جیہدا مقصد گُپت جانکاری دیاں فائلیاں چرانا سی، ایتھوں تک کہ اوہ ایہو جیہیاں فائلاں وی کڈھ لیندا سی جہنوں ڈیلیٹ کیتا جا چکیا ہووے۔
ایس بارے وچ سرے یونیورسٹی دے اک پروفیسر ایلن ووڈ دا کہنا اے کہ حملہ آور پروگرام دی ڈیزائننگ ایس طرح کیتی سی کہ ایہہ کمپیوٹر وچ موجود سارے پروگراماں دی فائلاں وچ وڑ سکدا سی۔ بھاویں اوہ فائل ورڈ پروگرام وچ ہوئے، پی ڈی ایف فائل ہویا یا کمپیوٹر دے کسے ہور خانے وچ رکھی گئی ہووے۔
کیسپرسکی ریسرچ لیبارٹی دے اک بیان وچ کہیا گیا اے کہ سائبر حملے دا اصل ہدف مشرقی یورپ دے ملک تے روس دی وسطی ایشیا دیاں ریاستاں سن۔ کسے ہور ملک دی خفیاں فائلاں بارے کجھ نہیں کہیا جا سکتا۔ کمپنی دے چیف کالوک نے دسیا کہ سائبر پروگرام نوں ''ریڈ اکتوبر'' دا ناں دتا گیا کیوں جے ایہدا پتا پچھلے سال اکتوبر وچ لگا سی۔ اوہناں دا کہنا اے کہ جسراں ای سانوں پتا چلیا سانوں فوراً ہی اندازہ ہو گیا کہ ایہہ حملہ بہت وڈے پیمانے تے کیتا جا رہیا اے۔ جیہدے وچ کجھ وڈیاں تنظیماں دی اہم گُپت جانکاری لتی جا رہی اے۔ جاسوس سائبر پروگرام بارے کالوک دا کہنا سی کہ ایس قدر حساس نوعیت دا پروگرام اے کہ ایہ یو ایس بی وچ وی اوہ فائلاں پڑھ لیندا اے جو ڈیلیٹ ہو چکیاں ہوندیاں نیں۔ پر جسراں ای کمپیوٹر نوں یو ایس بی لائی جاندی اے ایہہ پروگرام ایہناں فائلاں نوں واپس لیاؤن دی کوشش کردا اے۔
ایس پروگرام دی سب توں وڈ خصوصیت ایہہ ہے کہ ایہہ خود نوں لُکا لین دی صلاحیت وی رکھدا اے۔ پروفیسر ایلن ووڈ ورڈکہندے نیں ''کمپیوٹر نوں جے ایس پروگرام بارے پتا چل جائے تے ایہہ فوراً ای لُک جاندا اے تاں جے کمپیوٹر ایہہ سمجھے کہ ہُن خطرہ ٹل گیا اے تے ای میل واپس بلا لین تے کم فیر توں شروع کر لین۔




Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels