Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> کاں، نمبر تے نشانیاں

کاں، نمبر تے نشانیاں

وچار ڈیسک
October 7th, 2011
4 / 5 (1 Votes)

کاواں دی چالاکی تے ہشیاری دے قصے تے عام نیں پر ہڻ سائنسداناں دا خیال ہے جو تِکھی آواز والا ایہہ کاں پکھو صرف چالاک ہی نہیں سگوں بہت ذہین تے سیاڻا وی ہے۔ اوہدی یاداشت بہت تیز ہے تے اوہ سوچ وچار کے کم کردا ہے۔ ایس لئی اوہنوں پھڑنا تے نشانہ بڻاؤڻا بہت اوکھا ہے۔

حالیں جاپان دی اک یونیورسٹی وچ کاواں تے جاری کھوج نال ایہدی یاداشت تے پچھاڻ دی خوبی دے نویں پہلو ساہمڻے آئے نیں۔ جاپان دے سائنسداناں دی اک ٹیم پروفیسر شوئی سوگیتا دی اگوائی وچ کجھ سالاں توں جنگلی کاواں تے کھوج لا رہی ہے اوہناں دےا جوکے تجربیاں نال پتہ لگیا ہے جو کاں ہندسیاں تے نمبراں نوں پچھاڻ سکدا ہے تے درجناں نمبراں وچوں اوہ نمبر چڻ سکدا ہے جیہدے لئی اوہنوں کہیا جاوے۔ تے یونیورسٹی دے پروفسیر شوئی سوگیتا دا کہڻا ہے جو اوہناں دے تجربیاں توں ایہہ ثابت ہویا ہے پئی نمبراں تے ہندسیاں دی پچھاڻ دے معاملے وچ کاں دی ذہانت بالکل بندے ورگی ہے۔

اوہناں نے اپڻے ایس تجربے لئی دو ڈبے ورتے۔ جیہدے وچ اک ڈبے دے ڈھکڻ تے دو دا ہندسہ تے دوجے تے پنج لکھیا۔ دو نمبر دا ڈبہ خالی سی جدوں کہ پنج نمبر دے ڈبے وچ کاواں دی من پسند خوراک رکھی گئی سی۔ ایہناں ڈبیاں نوں کاں دے پنجرے وچ رکھ دتا گیا۔ کاں نے تھوڑے ہی چر وچ یاد کر لیا جو خوراک دے ڈبے دا نمبر پنج ہے۔

جانوراں دیاں عادتاں بارے رسالے Animal Behavior وچ چھپڻ والی رپورٹ وچ دسیا گیا ہے جو ایہدے مگروں دوہواں ڈبیاں نوں واری واری پنجرے وچ کئی تھاواں تے وکھری ترتیب نال رکھیا گیا۔ ایہناں تجربیاں وچ کاں دی کامیابی دی دُر ستر فیصد رہی۔

ایہہ تجربہ واری واری اٹھ جنگلی کاواں تے کیتا گیا تے ہر واری کامیابی دا تناسب تقریبا اونا ہی رہیا۔ ایس توں مگروں کیتے جاڻ والے تجربیاں وچ اک ڈبے دے ڈھکڻ تے پنج تے دوجے تے ہور ہندسے تے شکلاں بڻائیاں گئیاں تے اوہناں نوں ہور تھاواں تے رکھیا گیا۔ پئی کاواں دی کامیابی دی در ستر فیصد توں نوے فیصد رہی۔

اک پراڻی کھوج وچ دسیا گیا سی پئی کاں مرد تے زنانی دے چہرے دی پچھاڻ کرسکدا ہے۔پروفیسر سوگیتا نے جاپان دے اک ٹیلی ویژن تے اپڻے انٹرویو وچ کہیا ہے جو کاں ایہدے توں کِتے بہتا ذہین ہے جنا اسیں اوہنوں سمجھنے آں۔



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels