Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ذہنی دبا توں چھٹکارا، کافی زنانیاں لئی لاہیوند

ذہنی دبا توں چھٹکارا، کافی زنانیاں لئی لاہیوند

وچار ڈیسک
September 28th, 2011
4 / 5 (1 Votes)

اک نویں کاہڈ نال ثابت ہویا ہے جو روزانہ چار کپ کافی پیڻ والیاں زنانیاں، اوہناں زنانیاں نالوں ذہنی دبا دا گھٹ شکار ہوندیاں نیں جیہڑیاں بہت گھٹ کافی پیندیاں نیں۔ صحت عامہ دے ہارورڈ اسکول دے کاہڈو البرٹو اسچیریو نے اک انٹرویو وچ خبراں دے ادارے روئٹرز نوں دسیا جو کافی وچ ورتی جاڻ والی کیفین سارے جگ وچ انسان دے اعصابی نظام نوں چالو رکھڻ لئی سب توں بہتی لاہیوند ہوندی ہے۔ اوہناں کہیا کافی وچ کیفین دی مقدار 80 فیصد دے نیڑے ہوندی ہے۔

البرٹو اسچیریو نے کہیا '' کافی پیڻ نال طاقت ملدی ہے تے پیڻ والا آپڻے آپ نوں چوکس محسوس کرن لگ پیندا ہے ''۔اسچیریو نے کہیا جو کافی بہتی ورتڻ نال لمے چوڑے اثراں بارے حالی تیکر بہت گھٹ کھوج لائی گئی ہے۔ فن لینڈ وچ نکی پدھر تے کیتی جاڻ والی اک کاہڈ توں ظاہر ہویا جو اوہ مرد جیہڑے بہتی کافی پیندے نیں اوہناں وچ آپ ہتیا دا رجھان گھٹ ہوندا ہے۔

صحت عامہ دے ہارورڈ اسکول دی ٹیم دی کاہڈ توں ملڻ والی گڻتی نال پتہ لگیا ہے جو بہتی کافی پیڻ والے زنانیان تے مرداں وچ رعشہ یاں پارکنسنز دی بماری وچ پیڻ دا خطرہ وی گھٹ ہوندا ہے۔

پر اوہناں کہیا حالی ایہہ پتہ نہیں لگیا جو کافی ذہنی دبا دے خلاف کس حد تیکر تحفظ دے سکدی ہے پر ایس کاہڈ نال کجھ ایہدے نال رلدے ملدے ورتاریاں دی نشاندہی ہوندی ہے۔ جانوراں تے کیتے جاڻ والے تجربیاں توں ظاہر ہویا ہے جو کیفین کجھ زہریلے مادیاں توں تحفظ دیندی ہے۔ کیفین تے ردعمل ظاہر کرن والے دماغی حصے اجہی تھاں تے ہوندے نیں جیہڑے ذہنی دبا تےرعشہ دوہاں لئی اہم ہے۔


Share |


 

Depacco.com


 

 

Your Name:
Your E-mail:
Subject:
Comments:


Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels