Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> کم پورا کرو یاں فیر نیندر

کم پورا کرو یاں فیر نیندر

وچار ڈیسک
September 2nd, 2011

اک نویں کھوج موجب تئی فیصد امریکی وسنیکاں نوں نیندر نہ آؤڻ دا مسئلہ ہے ۔ انج سالانہ امریکی معیشت نوں 63.2 بلین ڈالر دا نقصان چکڻا پیندا ہے۔ حالی امریکہ دی اکیڈمی آف سلیپ میڈیسن ولوں جاری کیتی جاڻ والی اک رپورٹ موجب سالانہ مڈھ تے ہر امریکی شہری نوں نیندر نہ آؤڻ دی بماری یاں فیر گھٹ آؤڻ دی بماری پاروں 11.3 دن دا نقصان ہوندا ہے۔

ہارورڈ میڈیکل اسکول وچ نفسیاتی بماریاں دے ماہر تے ایس کھوج وچ رلتی ڈاکٹر رونلڈ کیسلر کہندے نیں '' اسیں ایہناں سٹیاں نوں ویکھ کے حیران رہ گئے آں پئی نیندر نہ آؤڻا یاں گھٹ آؤڻا عام انسانی دی حیاتی تے کنے ڈوہنگے اثر پاؤندا ہے۔

ڈاکٹر کیسلر دا ہور کہڻا ہے پئی ایہدا مطلب ایہہ نہیں جو گھٹ سوڻ نال امریکی شہری کم تے نہیں جاندے۔ ایہدے الٹ اوہ اپڻیاں کم کار دیاں تھاواں تے جاندے نیں پر کم گھٹ کردے نیں۔ڈاکٹر کیسلر موجب ایس کھوج وچ امریکہ دے ست ہزار توں بہتے نوکر پیشہ بندیاں نوں رلایا گیا سی۔

ایہہ رپورٹ ڈاکٹر کیسلر دی اُس کھوج داحصہ سی جیہدا ناں American Insomnia Study رکھیا گیا ہے۔ ایہہ ریسرچ سن دو ہزار اٹھ وچ شروع کیتی گئی سی۔ ایس کھوج موجب ایہہ بماری زنانیاں ورکرز وچ مرداں نالوں بہتی پائی جاندی ہے۔ ایس کھوج وچ رلتی 27.1 فیصد زنانیاں نوں نیندر نہ آؤڻ یاں گھٹ آؤڻ دا شکار پایا گیا جدوں کہ مرداں وچ ایہہ دُر 19.7 سی۔
 
ڈاکٹر کیسلر دا کہڻا ہے پئی ہڻ اوہ جاڻدے نیں نیندر نہ آؤڻ پاروں امریکی معیشت نوں کنا نقصان چکڻا پیا ہے۔ کھوج موجب ایس مرض دے علاج لئی ہر مریض سال وچ دو سو ڈالر تیکر دا خرچ آؤندا ہے۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels