Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> جسم ویچڻ دا ٹیکس:بون دیاں سڑکاں تے میٹر لا دتے گئے

جسم ویچڻ دا ٹیکس:بون دیاں سڑکاں تے میٹر لا دتے گئے

وچار ڈیسک
September 1st, 2011

جرمنی دے شہر بون وچ پربندھیاں نے میٹر لائے نیں تاں جو چھ یوروز اک رات دے حساب نال ٹیکس اوہناں جسم ویچڻ والیاں کولوں لیا جاسکے جیہڑیاں سڑکاں تے گاہک لبھ دیاں نیں۔ فرانسیسی خبراں دی ایجنسی اے ایف پی موجب جدوں پہلی واری ایس میٹر وچوں رقم کڈھی گئی تے ایہدے وچ 264 یوروز سی۔

پربندھیاں دا کہڻا ہے پئی جیہڑیاں جسم ویچڻ والیاں ایس میٹر چوں رقم نہیں کڈھڻ گئیاں اوہناں تے جرمانہ لایا جاوے گا یاں فیر روک لا دتی جاوے گی۔ بون حکومت دی بلارے نے کہیا پئی جرمنی دے کئی شہراں وچ جسم ویچڻ والیاں تے پہلوں توں ہی ٹیکس لاگو ہے پر بون پہلا شہر ہے جتھے ٹیکس میٹر راہیں لیا جارہیا ہے۔

پر جسم ویچڻ والیاں دے حق وچ آواز چکڻ والیاں دا کہڻا ہے پئی ایہہ دوہرا ٹیکس ہے۔ جسم ویچڻ والیاں نوں اکو جنا ہی ٹیکس دیڻا پے رہیا ہے اوہناں دی کمائی ہوئی ہووے یاں نہیں۔
بون شہر دی رجمان دا کہڻا ہے جو بون حکومت نوں آس ہے جو میٹر نال سالانہ دو لکھ یورو اکٹھے ہوڻ گے۔

اوہ زنانیاں جیہڑیاں اڈیاں تے کم کردیاں نیں پہلوں ہی ٹیکس دیندیاں نیں پر حالی تیکر سڑکاں توں گاہک چکڻ والیاں زنانیاں توں ٹیکس لیڻا اوکھا ہورہیا سی۔'

اک گویڑ موجب بون وچ دو سو جسم ویچڻ والیاں نیں۔


Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels