Punjabi Wichaar
کلاسک
وچار پڑھن لئی فونٹ ڈاؤن لوڈ کرو Preview Chanel
    



مُڈھلا ورقہ >> شاہ مُکھی وچار >> سائنسی دُنیا >> ویاہ تے طلاق نال وزن ودھدا ہے

ویاہ تے طلاق نال وزن ودھدا ہے

وچار ڈیسک
August 23rd, 2011

اک امریکی کھوج موجب ویاہ تے طلاق دوہواں جیاں دا وزن ودھاؤڻ دا کارن بڻ دیاں نیں۔ امریکی سوشیالوجیکل ایسوسی ایشن وچ پیش کیتی جاڻ والی کھوج موجب ویاہ یاں طلاق دے دو سال وچ وزن وچ وادھے دا خطرہ بہتا ہوندا ہے۔

دس ہزار اکہتر بندیاں تے کیتی گئی ایس کھوج دے سٹیاں وچ کہیا گیا ہے پئی نویاں ویاہیاں زنانیاں دے وزن ودھڻ دے امکان سب توں بہتے ہوندے نیں۔

اوہایو سٹیٹ یونیورسٹی دے کھوجیاں دی کھوج وچ سن انی سو چھیاسی توں سن دو ہزار اٹھ وچ لوکاں نوں پرکھیا گیا تے اوہناں دے بی ایم آئی وچ آؤڻ والیاں بدلیاں تے نظر رکھی گئی۔

کھوجیاں نے ویاہ کرن یاں طلاق لیڻ والے بندیاں دے بی ایم آئی دا مقابلہ انج دے بندیاں دے بی ایم آئی نال کیتا جیہڑے یاں تے کوارے یاں پہلوں توں ویاہے ہوئے سی۔

اوہناں دا کہڻا ہے پئی ہر بندے دی صحت، تعلیم، روزگار، غربت تے حمل دے ڈیٹا نوں پرکھڻ توں مگروں ویاہ تے طلاق نال وزن ودھڻ دے سانگے دا پتہ لگیا۔

زنانیاں وچ ویاہ دے مگروں وزن وچ کجھ وادھے دے امکاناں وچ تیتی فیصد تے بہتے وادھے دے امکاناں وچ اڑتالی فیصد وادھا ویکھیا گیا۔ انج طلاق لیڻ والیاں زنانیاں دے بھار وچ کجھ وادھے دے امکان دی پیدائش دی دُر بائی فیصد رہی۔

ایس کھوج دے سٹیاں وچ کہیا گیا ہے جو ویاہ بارے ساریاں بدلیاں وزن وچ وادھے دا کارن بڻ دیاں نیں۔ ایس کھوج دی مرکزی نگران دمیتری تیومن دا کہڻا ہے پئی کسے حد تیکر زنانیاں وچ ویاہ توں مگروں وزن ودھدا ہے جیہڑا کہ صحت لئی نقصان دہ وی ثابت ہوسکدا ہے۔



Share |


 

Depacco.com


 

 

Support Wichaar

Subscribe to our mailing list
نجم حسین سیّد
پروفیسر سعید بُھٹا
ناول
کہانیاں
زبان

 

Site Best Viewd at 1024x768 Pixels